کاڤین شێخ سەعید: دەبینە دەنگ و ڕەنگی ھەموو پێکھاتەکان لە بەغدا
__2021_10_06_h15m22s46__ER.jpg)
مووسڵ-KDP.info- کاندیدێکی پارتی دیموکراتی کوردستان لە بازنەی دووی مووسڵ دەڵێت، خەڵک متمانەیەکی زۆری بە ئێمە ھەیە و ئێمەش بچینە بەغدا دەبینە دەنگ و ڕەنگی ھەموو پێکھاتەکان بێ جیاوازی.
کاڤین شێخ سەعید، کاندیدی ژمارە ٢١ی پارتی لە بازنەی دووی مووسڵ، بۆ ماڵپەڕی فەرمیی پارتی دیموکراتی کوردستان گوتی: ''ئێمە لە سنووری دەشتی نەینەوا لەناو خەڵک و پێکھاتە و نەتەوەکانداین و دەزانین لە چ ناخۆشی و نەھامەتییەکدا دەژین، بۆیە باش لە خەڵک دەگەین و دەزانین بۆچی پشتگیری لە ئێمە دەکەن، چونکە دەزانن تەنھا ئێمە دەتوانین ببینە داکۆکیکار و خزمەتکاری ئەوان لە بەغدا.''
کاڤین شێخ سەعید گوتیشی: ''خەڵک متمانە بە پارتی دیموکراتی کوردستان و کاندیدانی دەکات، ئێمەش بچینە بەغدا دەبینە دەنگ و ڕەنگی ھەموو نەتەوە و پێکھاتەکانی مووسڵ و جارێکی دیکە مافەکانیان بۆ دەگەڕێنینەوە.''
بڵند ئیبراھیم
