"چینوتوێژەکانی بەغدا بەردەوامن لە پشتگیریکردنی کاندیدانی پارتی"
بەغدا-KDP.info- بەرپرسی لقی ٥ی پارتی دیموکراتی کوردستان ئاشکرای کرد، لە شاری بەغدا چینوتوێژەکان بە تایبەت گەنجەکان، بە کورد و عەرەبەوە بەردەوامن لە پشتگیریکردنی کاندیدانی پارتی دیموکراتی کوردستان.
شوان محەمەد تەھا، بۆ ماڵپەڕی فەرمیی پارتی دیموکراتی کوردستان گوتی: "کار و چالاکییەکانمان بۆ بانگەشەکردن بۆ کاندیدانی خۆمان لە بەغدا چڕ کردووەتەوە و بە شەوانیش چالاکیمان ھەیە، شەوی ڕابردووش کۆبوونەوەیەک لە بارەگای لقی پێنج ئەنجام درا و تێیدا گەنج و لاو و کەسایەتیی عەرەب و کورد بەشدار بوون".
تەھا باسی لەوەش کرد: "کەسایەتیی عەرەبیش بەشداری لە بانگەشەی پارتی دیموکراتی کوردستان بۆ کاندیدانی پارتی دەکەن، کە ئەمەش جێگەی دڵخۆشیی ئێمەیە و ئێمەش لە رێگەی نوێنەرەکانمانەوە دەبینە داکۆکیکاری ئەو خەڵکە لە پەرلەمانی عێراق".
بڵند ئیبراھیم
