ب کوژمێ ٣٢ ملیار دیناران پرۆژێن خزمەتگۆزاری دێ ل دھۆکێ ھێنە چێکرن
دھۆک -KDP.info- سکرتێرێ رۆژنامەڤانی یێ پارێزگارێ دھۆکێ دیار کر کو پ.د.عەلی تەتەر، پارێزگارێ دھۆکێ ئەڤرۆ رۆژا پێنجشەمبی ٣٠/٩/٢٠٢١ ب کوژمێ ٣٢ ملیار دیناران پرۆژێن نوی یێن خزمەتگۆزاری ل سەرانسەری پارێزگەھا دھۆکێ راگەھاندن.
مللەت عسمەت، سکرتێرێ رۆژنامەڤانی یێ پارێزگارێ دھۆکێ بۆ مالپەرێ فەرمیێ پارتی دیموکراتی کوردستان دیار کر کو د بەردەوامیا چێکرنا پرۆژێن نوو یێن خزمەتگۆزاری دا یێن کو ژ لایێ کابینا نەھێ یا حکومەتا ھەرێما کوردستانێ ڤە دھێنە ئەنجامدان، ئەڤرۆ پارێزگارێ دھۆکێ ب کوژمێ ٣٢ ملیار دیناران پرۆژێن نوی یێن خزمەتگۆزاری ل سەرانسەری پارێزگەھا دھۆکێ راگەھاندن و پرۆژێن باشتر و مەزنتر د ڕێ دانە بھێنە ئەنجامدان.
ناڤھاتی ئاماژە دا وێ چەندێ کو ژ وان پرۆژێن خزمەتگۆزاری یێن ئەڤرۆ ھاتینە راگەھاندن چێکرنا قووناغا ئێکێ یا رێیا (ئامێدی – کانی ماسێ) و چێکرنا قوتابخانەکا ١٢ رێزی ل مرێبکا و تمامکرنا پرۆژێ کارەبا ناحیا شێلادزێ و گۆت: "ھەر د چارچوڤێ ڤان پرۆژان دا بڕیار ھاتەدان جادا ٣٠ مەتری یا تاخێ ماسیکێ بھێتە تمامکرن، ھەروەسا رێیێن ناڤخۆ یێن تاخێ شەھیدان ل قەزا سێمێلێ و رێیێن کێڤلا و تەناھی و تاخێ میتان دێ ھێنە دروستکرن و سەرەرایی چێکرنا ڤان پرۆژان ئاریشێن وەلاتیێن د ناڤ ئۆتێلا سکەیی ژی دا دێ ھێنە چارەسەرکرن.
رێوار محەمەد رەشید
