کورتەباڵایێن دھۆکێ دێ دەنگێ خوە دەنە بەربژارێن پارتی

دھۆک-KDP.info-کورتەباڵایێن پارێزگەھا دھۆکێ سۆز دایە ل رۆژا دەنگدانێ بۆ ھەلبژارتنا ئەندامێن جڤاتا نوونەرێن عیراقێ ئەو دەنگێ خوە بدەنە بەربژارێن پارتی دیموکراتی کوردستان، ژ بەر کو ب دیتنا وان ھەمی دەمان پارتی خوە ل ھەمی تەخ و چینێن جڤاکی کریە خودان و کورتەباڵایان ب تەخەکا ب ھێز د نرخینیت.

وەحید سەعید چیچو، سەرۆکێ کۆمەلا کورتەباڵایان ل پارێزگەھا دھۆکێ بۆ ماڵپەرێ فەرمیێ پارتی دیموکراتی کوردستان دیار کر کو ئەو لایەنێ ھەمی دەمان دشێت بەرەڤانیێ و پشتەڤانیێ ژ کورتەباڵایان بکەت بتنێ پارتی دیموکراتی کوردستانە، ژ بەر کو ل دووڤ گۆتنێن وی پارتی داکوکەرێن مافێن وان بوویە و بەرەڤانی ژ وان کریە، ژ بەر ڤێ چەندێ ئەو د وێ باوەرێ دانە کو ڤێ جارێ ژی وەکو جارن دی پارتی دێ د ھەر یاسایەکێ دا ھزر د خواست و داخوازیێن خودان پێدڤیێن تایبەت دا کەت و گۆت: "د کاودانێن گەلەک بەرتەنگ دا پارتی چوجاران پشتا خوە نەدایە تەخا خودان پێدڤیێن تایبەت و ھەمی دەمان بەڕەڤانی ژ مافێن وان کریە، ژ بەر ڤێ چەندێ ژی د رۆژا دەنگدانێ دا دێ دەنگێ وان بۆ بەربژارێن پارتی دیموکراتی کوردستان بیت".

ژ ئالیێ خوە ڤە نسیبا یاسین، ئێک ژ ئەندامێن کۆمەلا کورتەباڵایایە و مامۆستایە ل ئێک ژ قوتابخانێن بنەرەت ل پارێزگەھا دھۆکێ بۆ ماڵپەرێ پارتی دیموکراتی کوردستان دیار کر کو ھەمی دەمان پارتی دیموکراتی کوردستان ئێک ژ لایەنێن گرنگە ل عیراقێ ب گشتی و ھەرێما کوردستانێ ب تایبەتی و ھەر پارتی بوویە ھەمی دەمان خوە ل ھەمی تەخ و چینێن جڤاکی کریە خودان، ھەروەسا  پارتی ھەمی دەمان خودان بڕیار و ھەست و وژدان بوویە و کورتەباڵا د ھەمی کاودانان دا ب تەخەکا ب ھێز نرخاندینە و شیایە رۆلێ خوە د ناڤ ھەرێما کوردستانێ و دەرڤەی ھەرێمێ ب سەرکەفتیانە ب گێڕت و گۆت: "سۆز و پەیمانان ددەمە پارتا خوە پارتی دیموکراتی کوردستان دێ دەنگێن خوە دەینە بەربژارێن پارتی داکو سەرکەفتنێ د ھەلبژارتنێن جڤاتا نوونەرێن عیراقێ دا ب دەست خوەڤە بینیت و ھەمی دەمان زەر بمینین".

ئاشتی عادل سالح، ئێک ژ ئەندامێن ھەمان کومەلەیە بۆ مالپەرێ فەرمیێ پارتی دیموکراتی کوردستان گۆت: "ئەز وەکو کورتەباڵایەکێ پارێزگەھا دھۆکێ و برایێ شەھیدی دێ دەنگێ خوە دەمە بەربژارێن پارتی دیموکراتی کوردستان، چونکو پارتی خودان دیرۆک و ھەلویستە و رێبازا وێ رێبازا بارزانیێ نەمرە و رێبازەکا خوە ڕاگرە و باب و باپیرێن مە بۆ ڤێ رێبازێ خەبات کریە و برایێ من ژی ژ پێخەمەت پاراستنا ئاخا پیرۆزا کوردستانێ شەھیدبوویە و ئەز یێ ب ڤێ رێبازێ سەربلندم".

ژیان ئەیوب حەسەن، ئێک ژ کورتەباڵایێن پارێزگەھا دھۆکێ یە بۆ ماڵپەرێ فەرمیێ پارتی دیموکراتی کوردستان خویا کر کو پارتی ھەمی دەمان گرنگیەکا تایبەت ب کورتەباڵایان دایە و د ھەمی کاودانان دا دگەل وان یا ھاریکاربوویە و گۆت: "ئەڤ پێشکەفتنا نوکە ھەرێما کوردستانێ ب خوەڤە دیتی ھەمی بەرھەمێ وێ بەرخودانێ بوویە یا کو پارتی کری، ئەڤ چەندە ژی بوویە ئەگەر کو ئەم ل سەر رێبازا پیرۆزا بارزانیێ نەمر د بەردەوام بین و ل رۆژا ١٠/١٠/٢٠٢١ ێ وەکو ئەرکەکێ نشتیمانی بەر ب سندوقێن دەنگدانێ ڤە بچین و دەنگێ خوە بدەینە بەربژارێن پارتی".

 

رێوار محەمەد رەشید