پارتی سەرەخۆشی لە خانەوادەی سیروان بەگۆك و عەبدولباست مەلا عەبدوڵڵا و فریاد نوری دەکات
هەولێر-KDP.info- مەکتەبی سیاسی پارتی دیموكراتی كوردستان، لە سێ پرسەنامەی جیادا، سەرەخۆشی لە خانەوادەی سیروان عەبدوڵڵا بەگۆك و عەبدولباست ئەحمەد مەلا عەبدوڵڵا و فریاد نوری عزیز دەکات.
بەناوی خوای بەخشندە و میھرابان
ھەڤاڵی بەرێز سیروان عەبدوڵڵا بەگۆك
بەداخ و پەژارەیەكی زۆرەوە هەواڵی كۆچی دوایی پێشمەرگەی شۆڕشی مەزنی ئەیلوول و گوڵان و، كەسایەتی دیاری دۆڵی رۆستێ، خوالێخۆشبوو (عەبدوڵڵا ئەحمەد بەگۆك)ی باوكی بەڕێزتانمان بیست.
پرسە و سەرەخۆشی ئاڕاستەی بەڕێزتان و خانەوادە كوردپەروەرەكەتان و سەرجەم كەسوكار و خزمانتان دەكەین و، خۆمان بەهاوبەشی خەمتان دەزانین.
لە خودای مەزن داواكارین دڵنەوایی و ئارامیتان پێبەخشێت و، گیانی باوكی خوالێخۆشبووتان بەر رەحمەتی خۆی بخات و بە بەهەشتی بەرینی شاد بكات.
انا للە و انا الیە راجعون
مەكتەبی سیاسی پارتی دیموكراتی كوردستان
_____________________
هەڤاڵی بەڕێز (عەبدولباست ئەحمەد مەلا عەبدوڵڵا)
خەمباربووین بە بیستنی هەواڵی كۆچی دوایی پێشمەرگەی بەوەفا و دڵسۆزی شۆڕشی مەزنی ئەیلوول و كەسایەتی دیاری خۆشناوەتی خوالێخۆشبوو (ئەحمەد مەلا عەبدوڵڵا)ی باوكی بەڕێزتان.
سەرەخۆشی خۆمان ئاڕاستەی بەڕێزتان و خانەوادە نیشتیمانپەروەرەكەتان و تەواوی خزم و دۆست و ئاشنایانتان دەكەین و، خۆمان بەهاوبەشی خەمتان دەزانین.
لە خودای گەورە داواكارین گیانی خوالێخۆشبوویش بەر دلۆڤانی خۆی بخات و بە بەهەشتی بەرینی شاد بكات و، دڵنەوایی و ئارامی بە بەڕێزتان و خانەوادە و كەسوكارتان ببەخشێت.
انا للە و انا الیە راجعون
مەكتەبی سیاسی پارتی دیموكراتی كوردستان
________________________
بەڕێزان خانەوادەی خوالێخۆشبوو (فریاد نوری عزیز)
بەداخ و پەژارەیەكی زۆرەوە هەواڵی كۆچی دوایی پێشمەرگەی دڵسۆز و كەسایەتی دیار و ناسراوی شارۆچكەی قەسڕێ، خوالێخۆشبوو(فریاد نوری عزیز)مان بیست.
بەم بۆنە جەمناکەوە سەرەخۆشی ئاڕاستەی خانەوادە نیشتیمانپەروەرەكەتان و تەواوی خزم و دۆست و ھەڤاڵانی خوالێخۆشبوو دەكەین و، هاوبەشی خەمتانین.
لە خودای گەورە داواكارین گیانی خوالێخۆشبوو بەر دلۆڤانی خۆی بخات و بە بەهەشتی بەرینی شاد بكات و، دڵنەوایی و ئارامی بە بەڕێزتان و خانەوادە و كەسوكارتان ببەخشێت.
انا للە و انا الیە راجعون
مەكتەبی سیاسی پارتی دیموكراتی كوردستان
