فازڵ میرانی: بوونی پارتی زامنی پاراستنی ده‌ستكه‌وته‌كانه‌

به‌ئاماده‌بوونی سه‌رۆك مه‌سعوود بارزانی و  نێچیرڤان بارزانی  و مه‌سروور بارزانی  به‌رپرسانی دیكه‌ی باڵای پارتی و  به‌ربژێران بۆ هه‌ڵبژاردنی په‌رله‌مانی عێراق، له‌ یادى شۆڕشى مه‌زنى ئه‌یلوولدا پارتی دیموكراتی كوردستان ده‌ستی به‌ بانگه‌شه‌ی هه‌ڵبژاردن بۆ په‌رله‌مانی عێراق كرد .

له‌ده‌ستپێكی كه‌رنه‌ڤاڵه‌كه‌دا، فازڵ میرانی گوتارێكی پێشكه‌ش كرد و رایگه‌یاند:  پارتی بۆ عێراق دیموكراتییه‌كی خواستووه‌ و بۆ هه‌رێمی كوردستانیش سه‌ربه‌خۆی خۆی په‌یِڕه‌و كردووه‌.

له‌ باره‌ی  شۆرشی مه‌زنی ئه‌یلووله‌وه‌، فازڵ میرانی رایگه‌یاند:  ئه‌وانه‌ی خۆیان نه‌خسته‌ به‌ر شۆڕشی ئه‌یلول ئه‌مڕۆ په‌شیمانن له‌و نیعمه‌ته‌ی كه‌شۆرشی ئه‌یلوول به‌خشی.

گوتیشی،  شۆرشی ئه‌یلوول   به‌رابه‌رایه‌تی بارزانی نه‌مر كوردستانییانی خسته‌ ژێر یه‌ك سێبه‌ر.
هه‌روه‌ها راشیگه‌یاند: رێككه‌وتنامه‌ی 11 ی ئادار  به‌رهه‌می شۆرشی ئه‌یلوول بوو.
گوتیشی: ئه‌مه‌ی ئێستا هه‌یه‌ به‌رده‌وامی پارتی و شۆرشی ئه‌یلوله‌ .
سكرتێری مه‌كته‌بی سیاسی  راشیگه‌یاند: سه‌ركه‌وتن بۆ ئه‌وانه‌یه‌ كه‌به‌رده‌وام بن و خۆیان نه‌چه‌مێنن.
فازڵ میرانی ئاماژه‌ی بۆ ئه‌وه‌شكرد بوونی پارتی زامنی پاراستنی ده‌ستكه‌وته‌كانه‌ .
له‌ باره‌ی به‌ربژێرانی پارتییه‌وه‌ بۆ هه‌ڵبژاردنی په‌رله‌مانی عێراق فازڵ میرانی رایگه‌یاند: ئێوه‌  به‌ربژێری میلله‌تێكن له‌رێگه‌ی پارتییه‌وه‌، پێودیسته‌ كادیران چاڵاك بن و پارتیش پاڵپشتییان ده‌كات .
هه‌روه‌ها راشیگه‌یاند: دیموكراتییه‌ت ئه‌وه‌یه‌ كه‌ مافی مرۆڤ ، مافی منداڵ ، مافی ئافره‌ت بپارێزێت.