نزیکەی ٣٠ وڵات لە ھەرێمی کوردستان کاری وەبەرھێنانیان کردووە

ھەولێر -KDP.info- بەپێی ئامارێکی دەستەی وەبەرھێنانی ھەرێمی کوردستان، نزیکەی ٣٠ وڵات لە ھەرێمی کوردستان بە جیا و بە ھاوبەشی کاری وەبەرھێنانیان لە ماوەی ساڵانی ڕابردوودا کردووە، کە کۆی ئەو پڕۆژانەی جێبەجێیان کردووە، ٧٢ پڕۆژەی جۆراوجۆرن و لە چەندین سێکتەری جیاوازدان، وەکوو تەندروستی و بازرگانی و بانکەکان و پیشەسازی و خزمەتگوزاری و گەشتیاری و گەیاندن و گواستنەوە و فێرکردن و کشتوکاڵی و نیشتەجێبوون و ھونەری و وەرزشی.

بەپێی ئامارێکی دەستەی وەبەرھێنانی ھەرێمی کوردستان، کە کۆپییەکیان بەتایبەت بۆ ماڵپەڕی فەرمیی پارتی دیموکراتی کوردستان ڕەوانە کردووە، لە ھەرێمی کوردستان وڵاتی نیوزلەندا پڕۆژەیەکی بە سەرمایەی ٩٨ ملیۆن و ١٨٩ هەزار و ٨٥٠ دۆلار و، وڵاتی لوبنان ٩ پڕۆژەی بە سەرمایەی ملیارێک و ٢٤ ملیۆن و ٢٤ هەزار و ٣٤٠ دۆلار و، وڵاتی کوێت پڕۆژەیەکی بە سەرمایەی ١٠ ملیۆن و ٥٧٠ هەزار دۆلار و، وڵاتی فەرەنسا و لوبنان بە ھاوبەشی پڕۆژەیەکیان بە سەرمایەی ٧ ملیۆن و ٨٢ هەزار و ٢٠٧ دۆلار و، وڵاتی سوید پڕۆژەیەکی بە سەرمایەی ١٧ ملیۆن و ٣٧٢ هەزار دۆلار و، وڵاتی سووریا پڕۆژەیەک بە سەرمایەی ٨ ملیۆن و ٣٠٠ هەزار دۆلار و، وڵاتی ڕووسیا پڕۆژەیەکی بە سەرمایەی ٢ ملیۆن و ٨٠٥ هەزار و٦٧٠ دۆلار و، وڵاتی جۆرجیا یەک پڕۆژە بە سەرمایەی ٦٠٠ هەزار دۆلار و، وڵاتی تورکیا ١٥ پڕۆژەی بە سەرمایەی ١ ملیار و ٢٢٩ ملیۆن و ٨٤٠ هەزار و ٦٧٣ دۆلار و، بەریتانیا یەک پڕۆژەی بە سەرمایەی ١٢ ملیۆن و ٥٠٠ هەزار دۆلار و، وڵاتی ئیماڕات ٢ پڕۆژەی بە سەرمایەی ٢ ملیار و ٥٢٧ ملیۆن و ٢١٦ هەزار دۆلار و، وڵاتی ئێران یەک پڕۆژەی بە سەرمایەی ١٤ ملیۆن و ٩٥٠ هەزار و ٨٠٢ دۆلار و، وڵاتی ئەمەریکا ٤ پڕۆژەی بە سەرمایەی ١١٥ ملیۆن و ٨٢٢ هەزار و ٩٢٥ دۆلار و، ئەڵمانیا ٢ پڕۆژەی بە سەرمایەی ٢٤ ملیۆن و ٣٥٥ هەزار و ٧١٢ دۆلار جێبەجێ کردووە، کە سەرجەمیان ٤١ پڕۆژەن بە سەرمایەی ٥ ملیار و ٩٣ ملیۆن و ٦٣٠ هەزار و ١٧٩ دۆلار.

بەپێی ھەمان ئامار، ٣١ پڕۆژەی ھاوبەش ھەیە، ئەوانیش پڕۆژەی کەنەدی و عێراقی و کۆری یەک پڕۆژە بە سەرمایەی ٣٤٣ ملیۆن و ١٣٢ هەزار و ٢٦٦ دۆلار و، پڕۆژەی ھاوبەشی عێراقی و کەنەدی یەک پڕۆژە بە سەرمایەی ٢ ملیۆن دۆلار و، پڕۆژەیەکی عێراقی و چینی بە سەرمایەی ١٣ هەزار و ٣٢٦ هەزار دۆلار و، سێ پڕۆژەی عێراقی و ئیماڕاتی بە ھاوبەشی بە سەرمایەی ٤١٧ ملیۆن و ١٥٤ هەزار و ٧٥٥ دۆلار و، پڕۆژەیەکی ھاوبەشی عێراقی و پاکستانی بە سەرمایەی ١٣ ملیۆن دۆلار و، پرۆژەیەکی عێراقی و باشووری ئەفریقیا بە ھاوبەشی بە سەرمایەی ١٢ هەزار دۆلار و، پڕۆژەیەکی عێراقی و کوێتی بە ھاوبەشی بە سەرمایەی ٥١ ملیۆن و ٢٥٠ هەزار دۆلار و، پڕۆژەیەکی عێراقی و سویدی بە ھاوبەشی بە سەرمایەی ٢٠ ملیۆن و ٨٩٣ هەزار و ٥٤٩ دۆلار و، پڕۆژەی ھاوبەشی عێراقی و تورکییش حەوت پڕۆژەن بە سەرمایەی ٢٧١ ملیۆن و ٢٦٨ هەزار و ٥٢٠ دۆلار و، دوو پڕۆژەی ھاوبەشی عێراقی و بەریتانی بە سەرمایەی ١٠٩ ملیۆن دۆلار و، دوو پڕۆژەی ھاوبەشی عێراقی و ئەڵمانی بە سەرمایەی ٨٢ ملیۆن و ٧٧٠ هەزار دۆلار و، پڕۆژەیەکی ھاوبەشی عێراقی و ئێرانی بە سەرمایەی ٢ ملیار دۆلار و، پڕۆژەیەکی ھاوبەشی عێراقی و ئوردنی بە سەرمایەی ١٥ ملیۆن و ٧٩٤ هەزار دۆلار و، سێ پڕۆژەی ھاوبەشی عێراقی و ئەمەریکایی بە سەرمایەی ٣١٦ ملیۆن و ٧٠٠ هەزار دۆلار و، پڕۆژەیەکی ھاوبەشی عێراقی و لوبنانی و فەرەنسی بە سەرمایەی ٤ ملیۆن و ٢٨٢ هەزار و ٤٠٠ دۆلار و، پڕۆژەیەکی ھاوبەشی عێراقی و ھۆڵەندی بە سەرمایەی ٢ ملیۆن و ٥٠٠ هەزار دۆلار و، پڕۆژەیەکی ھاوبەشی عێراقی و ئیسپانی بە سەرمایەی ٣ ملیۆن و ٢٨٤ هەزار و ٥٣٠ دۆلار و، پڕۆژەیەکی ھاوبەشی عێراقی و میسری و کەنەدی بە سەرمایەی ٤ ملیۆن و ٢٤٠ هەزار دۆلار و، پڕۆژەیەکی ھاوبەشی عێراقی و فەرەنسی بە سەرمایەی ٥٢ ملیۆن و ٨٧٢ هەزار و ٢٧٨ دۆلار. کە کۆی پارەی تەرخانکراو بۆ ئەو پڕۆژانە ٣ ملیار و ٧٣٥ ملیۆن و ٢٧٨ هەزار دۆلارە.

بڵند ئیبراھیم