پارێزگەرێ دھۆکێ بەرێ بنیاتی بۆ ژمارەکا پرۆژێن نوی ل بەردەرەش دانا
دھۆک-KDP.info- د بەردەوامیا گەھاندنا پرۆژێن خزمەتگۆزاری دا بۆ دەڤەرێن جودا یێن پارێزگەھا دھۆکێ ئەڤرۆ د.عەلی تەتەر پارێزگەرێ سەرەدانا قەزا بەردەرەش یا سەر ب پارێزگەھا دھۆکێ ڤە کر و بەرێ بنیاتی بۆ ژمارەکا پرۆژان دانا، ھەروەسا سەرەدانا چەندین پرۆژێن دی یێن خزمەتگۆزاری کر یێن کو نوکە ل قەزا ناڤھاتی د قووناغا بجھـ ئینانێ دا.
مللەت عسمەت، سکرتێرێ رۆژنامەڤانی یێ پارێزگەرێ دھۆکێ بۆ ماڵپەرێ فەرمیێ پارتی دیموکراتی کوردستان گوت کو ئەڤرۆ پارێزگەرێ دھۆکێ د سەرەدانا خوە دا بۆ قەزا بەردەرەش بەرێ بنیاتی بۆ ژمارەکا پرۆژێن خزمەتگۆزاری دانا ژوان ژی بەرێ بنیاتی بۆ پرۆژێ نەخۆشخانا تەنگاڤیان ل سەنتەرێ قەزا بەردەرەش ب کوژمێ ٩٦٠ ھزار دۆلاران و چێکرنا رێکێن ناڤخۆیی ل سەنتەرێ ناحیا رۆڤیا ب درێژاھیا ١,٠١٩ و ب کوژمێ ٣٩٤ ملیۆن و ٤٧٣ ھزار دیناران ھاتە دانان.
ناڤھاتی ئاماژە دا وێ چەندێ کو ھەر د چارچۆڤێ سەرەدانا خوە دا بۆ قەزا بەردەرەش پارێزگەرێ دھۆکێ سەرەدانا پرۆژێ ستراتیژی یێ سایلۆیا رۆڤیا کر کو نوکە د قووناغێن دووماھیێ دایە و شیانێن وەرگرتنا ٤٠ ھزار تەنێن گەنمی ھەنە و ب کوژمێ ١٧ ملیار دینارا ھاتیە بجە ئینان، ئانکو ب شێوەیەکێ گشتی ئەڤرۆ پارێزگەرێ دھۆکێ دێ سەرەدانا ١٧ پرۆژان ل قەزا بەردەرەش کەت کو ب کوژمێپتری ٤٧ ملیار دیناران دھێنە بجە ئینان.
رێوار محەمەد رەشید
