حکومەتا عیراقێ دانپێدان ب زانکۆیا پۆلیتەکنیکی یا دھۆکێ کر
دھۆک-KDP.info- پشتی بۆرینا نەە سالان ژ ڤەکرنا وێ وەزارەتا خواندنا بلند و ڤەکۆلینێن زانستی ل عیراقا فیدڕال ل رۆژێن بۆری ب شێوەیەکێ فەرمی دانپێدان ب زانکۆیا پۆلیتەکنیکی یا دھۆکێ کر.
د. ئاری عادل، سەرۆکا زانکۆیا پۆلیتەکنیکی ل دھۆکێ بۆ مالپەرێ فەرمیێ پارتی دیموکراتی کوردستان ئاشکرا کر کو پشتی بزاڤێن بەردەوام یێن سەرۆکاتیا زانکۆیا پۆلیتەکنیکی ل دھۆکێ دگەل شیرەتکارێن وەزارەتا خواندنا بلند و ڤەکۆلینێن زانستی ل عیراقا فیدڕال و ئەندامێن کورد ل جڤاتا نوونەرێن عیراقێ دوھی رۆژا سێشەمبی ٣١/٨/٢٠٢١ وەزارەتا ناڤھاتی ب شێوەیەکێ فەرمی دانپێدان ب زانکۆیا پۆلیتەکنیکی یا دھۆکێ کر.
ناڤھاتیێ ئاماژە دا وێ چەندێ کو ئەو دخوازن ئەڤ دانپێدانە ببیتە رێخوشکەرەک بۆ ب دەستڤەئینانا باوەرنامێن بلندتر، ھەروەسا ببیتە پالدەرەک بۆ پێشخستنا ڤەکۆلینێن زانستی و بلندکرنا ئاستێ زانکۆیێ و گۆت: "ب ڤێ ھەلکەفتێ پیرۆزباھیێ ل ھەمی قوتابی و دەرچوو و مامۆستا و فەرمانبەرێن زانکۆیا پۆلیتەکنیکی یا دھۆکێ دکەم".
رێوار محەمەد رەشید
