لە بەغدا یادی ١٦ی ئاب بەرز ڕاگیرا
__2021_08_16_h18m10s5__HK.jpg)
بەغدا -KDP.info- بەرپرسی لقی پێنجی پارتی دیموکراتی کوردستان لە بەغدا گوتی، لە بەغدا لقی پارتی دیموکراتی کوردستان یادی ١٦ی ئابی بەرز ڕاگرت و چەند چالاکییەک بەڕێوە چوو، لەوانە خەڵاتکردنی ١٠ قوتابی کە نمرەی بەرزیان بەدەست ھێناوە و سەرکەوتوو بوونە.
بەرپرسی لقی پێنجی پارتی دیموکراتی کوردستان لە بەغدا، بۆ ماڵپەڕی فەرمیی پارتی دیموکراتی کوردستان گوتی: "ئەمڕۆ لەبەر پابەندبوون بە دۆخی کۆرۆناوە کەوادیر و دۆست و لایەنگرانی پارتی سەردانی لقی پارتییان لە بەغدا کرد و تابلۆیەکی پارتی کرایەوە و وەکوو ڕێزلێنانێک ١٠ قوتابیی سەرکەوتوو لە گەڕەکی کیفاحمان بەسەر کردەوە کە نمرەیان ٩٩ بووە و وەڵامی سەرجەم برووسک و پیرۆزباییی لایەنە سیاسییەکانمان دایەوە.''
شوان محەمەد تەھا گوتیشی: "ئێمە پابەندی ڕێنمایییەکانی تەندروستی بووین و ئەگەر دەرگامان کردبووایەتەوە زۆرینەی لایەنەکان سەردانیان دەکردین، بەڵام ھەوڵمان دا کۆبوونەوەیەکی خنجیلانە بە ئامادەبوونی کەوادیر و لایەنگرانمان بەڕێوە بچێت و کادیر و لایەنگرێکی زۆریش سەردانیان کردین.''
بڵند ئیبراھیم
