نێچیرڤان بارزانی پیرۆزبایی له‌ حزبی سۆسیالیست دیموکراتی کوردستان ده‌کات

بەڕێز کاک محەمەدی حاجی مەحموود

سکرتێری گشتیی حزبی سۆسیالیست دیموکراتی کوردستان

بە بۆنەی چل و پێنجەمین ساڵیادی دامەزراندنی حزبە تێکۆشەرەکەتان، حزبی سۆسیالیست دیموکراتی کوردستانەوە، بە گەرمی پیرۆزبایی لە بەڕێزتان و سەرکردایەتی و سەرجەم ئەندام و لایەنگرانتان دەکەم و هیوای سەرکەوتن و پێشکەوتنتان بۆ دەخوازم.

بە ڕێزەوە لە تێکۆشان و خەبات و قوربانییەکانتان و له‌ ڕۆڵ و هه‌وڵی به‌رچاوی به‌ڕێزتان و حزبی سۆسیالیست دیموکراتی کوردستان بۆ یه‌کڕیزی و ته‌بایی له‌نێوان لایه‌نه‌ کوردستانییه‌کاندا ده‌ڕوانم.

هیوادارم ئەم بۆنەیە گوڕوتینی زیاتر بە خەباتی سیاسیتان بدات بۆ خزمەتی بەرژەوەندی و ئامانجە باڵاکانی گه‌لی کوردستان.

نێچیرڤان بارزانی

سەرۆکی هەرێمی کوردستان

۸/۸/ ۲٠۲۱