ب کوژمێ پتری چار ملیار دیناران پرۆژێن نوی دێ ل دھۆکێ ھێنە چێکرن
دھۆک-KDP.info- د بەردەوامیا چێکرنا پرۆژێن خزمەتگۆزاری ل پارێزگەھا دھۆێ ئەڤرۆ رۆژا ئێکشەمبی ٢٥/٧/٢٠٢١ێ (پ.د.عەلی تەتەر) پارێزگەرێ دھۆکێ ژمارەکا پرۆژێن نوی یێن خزمەتگۆاری ب کوژمێ پتری چار ملیار دیناران ئێخستنە د بوارێ بجھئینانێ دا.
مللەت عسمەت، سکرتێرێ رۆژنامەڤانی یێ پارێزگەرێ دھۆکێ بۆ مالپەرێ فەرمیێ پارتی دیموکراتی کوردسستان ئاشکرا کر کو (پ.د.عەلی تەتەر) پارێزگەرێ دھۆکێ ئەڤرۆ ب کوژمێ چار ملیار و ٤٣١ ملیۆن دیناران ١٢ پرۆژێن نوی یێن خزمەتگۆزاری ل پارێزگەھا دھۆکێ ئێخستنە د بوارێ بجھئینانێ دا کو ٣٩ گوندێن سنوورێ پارێزگەھا ناڤھاتی دێ ژڤان پرۆژان د مفاداربن.
ناڤھاتی ئاماژە دا وێ چەندێ کو ئەو پرۆژێن ئەڤرۆ کەفتینە د بوارێ بجھئینانێ دا چەندین پرۆژێن خزمەتگۆزاری نە ژ وان گەھاندنا ھێلا کارەبێ بۆ ھەر ئێک ژ گوندێن (ملبرکرێ و شکەفتێ و بلمباسا و مسلەکا و گری) ل سنوورێ ناحیا چەمانکێ، ھەروەسا گەھاندنا ھێلا کارەبێ بۆ بیرا ئاڤێ ل گوندێ باوەرکا کەعبێ و گەھاندنا ھێلا کارەبێ بۆ چەند کولانێن تاخێ بەفرین ل ناحیا سەرسنکێ و دانانا گھورکەکی بۆ بارسڤککرنا کارەبا تاخێ کانی چنارکێ و سەخبێریکرنا فیدەرەکێ گوزاری ل تاخێ ئاشوری یێ ناحیا سەرسنکێ و گوھۆڕینا دو گوھۆرکان ژ ٢٥٠ بۆ ٤٠٠ کەی.ڤی ل ناحیا ناڤھاتی و گۆت: "ھەر د چارچوڤێ ڤان پرۆژان دا دێ دێ بارێ چەندین گھۆرکێن کارەبێ ل سنوورێ قەزا ئاکرێ ھێتە سڤککرن".
ل دووماھیێ سکرتێرێ رۆژنامەڤانی یێ پارێزگەرێ دھۆکێ خویا کر کو د چارچوڤێ ڤان پرۆژان دا دێ ھێلا کارەبا بامەرنێ ل گوندێ ئەرەدنا ھێتە سەخبێرکرن، ھەروەسا دێ ھێلاکارەبێ بۆ مالێن نوی ھاتینە ئاڤاکرن ل گوندێن (شێخ مەما و تەعلاڤا) ھێتە کێشان و گۆت: "چەندین رێکێن گوندێن سنوورێ قەزا ئامێدیێ ژی دێ ھێنە چێکرن و سەخبێرکرن، د ھەمان دەم دا دێ چەندین گھۆرکێن نوی یێن کارەبێ ژی ل قەزا ناڤھاتی ھێنە دانان، ئەڤە ددەمەکی دایە کو ھژمارەکا دی یا پرۆژێن خزمەتگۆزاری ل سنوورێ پارێزگەھا دھۆکێ د قووناغا راگەھاندن و تەندەرکرن و رەوانەیی بجھئینانێ دانە".
رێوار محەمەد رەشید
