600 دۆلار ل سەر ھەر خێزانەکا زیانڤێکەفتی ل کەمپا شاریا ھاتنە بەلاڤکرن
دھۆک-KDP.info- پشتی ل رۆژێن بۆری ئاگرەکێ مەزن بەربوویە چەندین خیڤەتێن کەمپا شاریا یا ئاواران ل پارێزگەھا دھۆکێ و زیانێن مەزن یێن ماددی ل دووڤ خوە ەَێلاین و سەرۆکێ حکومەتا ھەرێما کوردستانێ د پەیامەکێ دا داخواز ژ ھەمی لایەنێن پەیوەندیدار کری ھاریکاریا خێزانێن ئاوارە یێن کەمپا شاریا بکەن یێن کو تووشی روودانا ئاگری بووین ئەڤرۆ رۆژا ١/٧/٢٠٢١ ھەر خێزانەکا زیانڤێکەفتی ل کەمپا ناڤھاتی ٦٠٠ دۆلار و چەندین کەلوپەل وەرگرتن.
ماجد سەید سالح، جێگرێ پارێزگەرێ دھۆکێ د پەیڤەکێ دا ئاشکرا کر کو نەە رێکخراوان پشکداری د ھەوا کۆمکرنا پارە و کەلوپەلان دا بۆ خێزانێن زیانڤێکەفتیێن کەمپا شاریا یا ئاواران ل پارێزگەھا دھۆکێ کربوو و ئەڤرۆ ١٣٦ خێزانێن زیانڤێکەفتی ل کەمپا ناڤھاتی مفاداربوون کو ٦٠٠ دۆلار و چەندین کەلوپەلێن دی ل سەر ھەر خێزانەکێ ھاتنە بەلاڤکرن و گۆت: "ئەم وەکو کارگێریا پارێزگەھا دھۆکێ د ھاریکار و رێخوەشکەربووین بۆ وان ھەموو رێکخراوێن پشکداری د ڤێ ھەوا کۆمکرنا ھاریکاریان دا کری و ھندی ئاوارە و پەنابەر د ناڤ کەمپان دا بمینن ئەم دێ خزمەتا وان کەین.
ھەژی گۆتنێ یە کو ئەڤ ھەوە ژ لایێ فەرمانگەھا رێکخراوێن نەحکومی یا سۆر ب ئەنجومەنێ وەزیران ڤە ل ھەرێما کوردستانێ ب ھاریکاریا کارگێریا پارێزگەھا دھۆکێ و دەزگایێ خێرخوازی یێ بارزانی و ب پشکداریا نەە رێکخراو و دەزگەھان ھاتیە ئەنجامدان.
رێوار محەمەد رەشید
