سەرۆکی حکوومەتی هەرێمی کوردستان پێشوازی لە باڵیۆزی فیلیپین لە عێراق دەکات

هەولێر-KDP.info- سەرۆكی حكوومەتی هەرێمی كوردستان و باڵیۆزی فیلیپین لە عێراق، لە دیدارێكدا گفتوگۆیان دەربارەی پەرەپێدانی پەیوەندییەکانی عێراق و هەرێمی کوردستان لە گەڵ فیلیپین و ڕووبەڕووبوونەوەی هەڕەشەکانی داعش و تیرۆر بەگشتی كرد.

ئەمڕۆ سێشەممە 29 ی حوزەیرانی 2021 مەسروور بارزانی سەرۆکی حکوومەتی هەرێمی کوردستان پێشوازی لە جینۆرۆسۆ کالۆنگێ باڵیۆزی فیلیپین لە عێراق کرد.

لە دیدارەکەدا گفتوگۆ دەربارەی پەرەپێدانی پەیوەندییەکانی عێراق و هەرێمی کوردستان لە گەڵ فیلیپین و ڕووبەڕووبوونەوەی هەڕەشەکانی داعش و تیرۆر بەگشتی کرا. 

باڵیۆزی فیلیپین وێڕای ستایشکردنی قارەمانیێتی پێشمەرگە لە بەرەنگاربوونەوەی تیرۆریستانی داعش، ئاماژەی بە خواستی وڵاتەکەی کرد بۆ سوود وەرگرتن لە ئەزموونی سەرکەوتووی هەرێمی کوردستان لە ڕووبەڕووبوونەوەی بیری تووندڕەوی و تیرۆر.

سەرۆکی حکوومەت جەختی لە گرنگیی نەهێشتنی هۆکارەکانی سەرهەڵدانی تیرۆرکرد بۆ ڕێگەگرتن لە گەشەکردنی تیرۆر و تووندڕەوی.