مەسروور بارزانی بە سەردانێکی فەرمی گەیشتە بەلجیکا
بەلجیکا-KDP.info- مەسروور بارزانی، سەرۆکی حکوومەتی هەرێمی کوردستان، ئەمڕۆ چوارشەممە، بە یاوەری شاندێکی حکوومی و بە سەردانێکی فەرمی گەیشتە برۆکسلی پایتەختی بەلجیکا.
سەرۆکی حکوومەت لەو سەردانەدا لەگەڵ بەرپرسانی باڵای بەلجیکا کۆدەبێتەوە و گفتوگۆ له‌بارەی پەرەپێدانی پەیوەندییەکانی نێوان هەرێمی کوردستان و بەلجیکا و بەردەوامبوونی هاوکاری و هەماهەنگیی هێزەکانی هاوپەیمانان لە گەڵ پێشمەرگە بۆ ڕووبەڕووبوونەوەی تیرۆر دەکرێت.
شاندی یاوەری سەرۆکی حکوومەت پێکهاتوون لە دارا ڕەشید وەزیری پلاندانان و سەفین دزەیی بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان.
