ب کوژمێ ١٤٦ ھزار دۆلاران پێدڤیێن نوشداری بۆ ساخلەمیا دھۆکێ ھاتنە دابینکرن

دھۆک-KDP.info-رێکخراوا ساخلەمیا جیھانی WHO ئەڤرۆ رۆژا ٨/٦/٢٠٢١ ئامیرە و پێدڤیێن نوشداری ب کوژمێ ١٤٦ ھزار دۆلاران پێشکێشی ساخلەمیا پارێزگەھا دھۆکێ کرن.

د.ئەفراسیاب موسا، رێڤەبەرێ گشتی یێ ساخلەمیێ ل پارێزگەھا دھۆکێ د پرێس کۆنفرانسەکی دا ئاشکرا کر کو رێکخراوا ساخلەمیا جیھانی WHO د ھەمی بواران دا ھاریکاریا ساخلەمیا پارێزگەھا دھۆکێ کریە و ئامیرە و پێدڤیێن نوشداری بۆ نەخۆشخانێن پارێزگەھا دھۆکێ دابینکرینە، ھەروەسا خزمەتەکا مەزن پێشکێشی ئاواران ژی کریە، ئەڤرۆ ژی رێکخراوا ناڤھاتی پشکەکا مەزن ژ پێدڤیێن نوشداری و ھژمارەکا ئامیران بۆ نەخۆشخانێن پارێزگەھا دھۆکێ تەرخانکرن و گۆت: "پشکەک ژ وان پێدڤیێن نۆشداری یێن کو ئەڤرۆ رێکخراوا ساخلەمیا جیھانی پێشکێی ساخلەمیا دھۆکێ کرینە دێ بۆ بنگەھێ ساخلەمیێ ل کەمپا شاریا یا ئاواران ھێنە رەوانەکرن پشتی کو ل رۆژێن بۆری ئەو روودانا ئاگربەربوونێ ل وێرێ پەیدابووی بنگەھێ ساخلەمیێ  کەمپا ناڤھاتی پێدڤی ب ھندەک پێدڤیێن بلەز یێن ساخلەمیێ بوویە و بۆ ھاتینە دابینکرن".  
د. وائل، بەرپرسێ ھوبا ھەوارھاتنێ ل رێکخراوا ساخلەمیا جیھانی WHO ل عیراقێ د ھەمان پرێس کۆنفرانس دا ئاشکرا کر کو ئەو وەکو رێکخراوا ساخلەمیا جیھانی دێ د بەردەوام بن ل سەر پێشکێشکرنا ھاریکاری و پێدڤیێن نۆشداری بۆ ساخلەمیا پارێزگەھا دھۆکێ ژ پێخەمەت پاراستنا گیانێ وەلاتی و ئاوارێن ڤێ پارێزگەھێ ژ ڤایرۆسێ کۆرۆنایێ و ل قوناغێن داھاتی دێ ب شێوەیەکێ بەرفرەھتر ھاریکاریا ساخلەمیا پارێزگەھا دھۆکێ ژ لایێ وان ڤە ھێتەکرن.
رێوار محەمەد رەشید