هەورامی، پەیامێک ئاڕاستەی یەکێتیی نیشتیمانیی کوردستان دەکات
ھەولێر-KDP.info- بەبۆنەی (٤٦)ه‌مین ساڵیادی دامەزراندنی یەکێتیی نیشتیمانیی کوردستان، د.هێمن هەورامی جێگرى سه‌رۆكی په‌رله‌مانی كوردستان پەیامێکی پیرۆزبایی ئاڕاستەی یەکێتیی نیشتیمانیی کوردستان دەکات.
ده‌قی په‌یامی جێگرى سه‌رۆكی په‌رله‌مانی كوردستان:
بەبۆنەی (٤٦)ه‌مین ساڵیادی دامەزراندنی یەکێتیی نیشتیمانیی کوردستان، جوانترین پیرۆزبایی ئاراستەی تێکڕای هەڤاڵانی یەکێتیی نیشتیمانیی کوردستان دەکەم.
لەم یادەدا بە لەبەرچاوگرتنی مێژووی خەباتی ئه‌و حیزبە و حیزبە تێكۆشه‌ره‌کانی دیکەی کوردستان و کاریگەرییان، دووپات لەیەکڕیزی و تەبایی نێوان سەرجەم هێزو لایەنەکان دەکەینەوە، هاوکات پاراستنی قەوارەی دەستووریی هەرێمی کوردستان لەئەستۆی سەرجەم هێزو لایەنە سیاسییە تێكۆشه‌ره‌کانی کوردستانە، خوازیارین بەگیانێکی برایانە و دۆستانە لەگەڵ تەواوی ھێز و لایەنە تێکۆشەرکانی کوردستان دەست لەناو دەست ڕیزەکان زیاتر یەکبخرێت بەئامانجی پاراستنی دەستکەوتە وەدیهاتووەکان و هەنگاونان بۆ چەسپاندنی زیاتری ماف و داخوازییەکانی خەڵکی کوردستان.
دووبارە ئەو یادە لەتەواوی ھەڤاڵانی یەکێتیی نیشتیمانیی کوردستان پیرۆز دەکەم و سڵاو بۆ گیانی جەنابی مام جەلال دەنێرین.
د.هێمن هه‌ورامی
جێگرى سه‌رۆكی په‌رله‌مانی كوردستان
2021/6/1
