"شۆرەشا گوڵانێ سەلماند گەلێ کورد خۆنەچەمێنن"

دهۆک- KDP.info-  پێشمەرگەیێن کوردستانێ ددەنە خوییاکرن، شۆرەشا گولانێ ڤەگەڕاندنا هیڤییان ژبۆ گەلێ کورد و سەلماند کو گەلێ کورد خۆ نەچەمێنن.

سالم ڕەشۆ، ئێک ژ پێشمەرگەیێن شۆرەشا گولانێ ییە ددەتە دیارکرن، شۆرەشا ٢٦ ــی گولانا پێشکەفتیخواز درێژەپێدانا شۆرەشا ئەیلوولا مەزنە، نەخاسمە پشتی رێککەفتنا خیانەتکارییا جەزائیرێ ل ٦ــی ئادارا ١٩٧٥ـێ و سەرکردایەتییا دەمکی یا پارتی هاتە دانان.

ڕەشۆی، بۆ ماڵپەڕێ فەرمیێ پارتی دیموکراتی کوردستان گۆت:" پشتی هنگی پێل ب پێل خەلک هاتە دناڤ رێزێن شۆرەشێدا و پاشان هیڤی و ئۆمێدێن گەلێ کورد موکم بوون و رۆژ بۆ ڕۆژی بۆ خەلکێ ئیرادەییەکا پۆڵایینی دروستبوو.

دیارژی کر، ئەگەر شۆرەش نەبا کوردستان دێ هاتبا تەرحیلکرن و محوکرن"ژناڤبرن" چونکی د شۆرەشێ دا ب هەزارا گوند و چییا هاتنە ستاندن ژ دەستێ ڕژێما گۆڕ ب گۆڕ.

هەڤدەم، حەسەن مەجید، پێشمەرگەییەکی دی یێ بەشدارە دشۆرەشا گولانێ دا بەحسا وان رۆژا دکەت و ددەتە خویاکرن، شۆرەشا گولانێ شۆرەشەکە سەرتاسەریی بوو، پێکهاتە و ئۆلین جیاواز پشکداری د ڤێ شۆرەشێ دا کرن بووە ڕووپەلەکی جوان دناڤ دیرۆکا بزاڤا رزگاریخوازا گەلێ کورد دا.

ئەڤی پێشمەرگەییی بۆ ماڵپەرێ فەرمییێ پارتی دیموکراتی کوردستان گۆت:'' جیاوازییا ڤێ شۆڕەشی ئەوبوو کو خەلکێ کوردستانێ ب جۆش و خرۆشەکە مەز پەشداری تێدا کر، و شییا ببیتە درێژە پیدەرێ شۆرەشا ئەیلوولێ.

دیارژی کر، خەلک ژ ڕوویێ ماددی و مەعنەوییڤە بەشداریی هەبوو و شیا دوژمنی ژناڤ ببەت، هەرچەندە هەتا نها ژی گەلێ کورد شۆرەش نە راوەستاندییە و شۆڕەش بەردەوامە.

کاروان باعەدری