نادر دۆغاتی: شۆڕەشا گولانێ ڕۆپەلەک گەشە د دیرۆکا بزاڤا رزگاریخوزا کوردستانێدا
هەولێر-KDP.info- چاڤدێرەکی سیاسیی و پێشمەرگەیییەکی شۆرەشا گولانێ ددەتە دیارکرن، شۆرەشا گولانێ بەردەوامیپێدان و دۆماندنا شۆڕەشا کوردان یا مەزن شۆڕەشا ئەیلوولا پیرۆز بوو ب سەرکردایەتی و رێڤەبەریییا بابێ روحی یێ نەتەوا کوردان بارزانیێ نەمر، ئەڤێ شۆرەشی کاری ببیتە وەرچارخانەک گرنگ د دیرۆکا گەلێ کورد دا.
نادر دۆغاتی، بۆ ماڵپەڕێ فەرمیێ پارتی دیموکراتی کوردستان گۆت:'' چریسکا شۆرەشا گولانا پێشکەفتنخواز یا لـ ٢٦ی گولانێ ١٩٧٦ دا هاتە هەلکرن ئەو لدەمەکی کێم وەک بەرسڤەک وێرەک وتوند ودژوار بو ژبۆ کۆدەتایا رێکەفتنا خیانەتێ یا جەزائیر یا بئارمانجا نەمانا بزاڤا ئازادیخوازا کوردستانێ.
ناڤهاتی دا دیارکرن، شۆرەشا گولانێ شۆرەشەکا سەرتاسەریییا کوردستانی بوو، هەروەسا ئەڤ شۆرەشە ڤەگەراندنا ئۆمێد و نوویکرنا گیانی خەبات و قوربانیدان و بەرخودانێ بوو بۆ تەڤاهییا کوردستانییان.
گۆتژی:'' پێشمەرگەیێن پارتی و رێبازا بارزانی ب سەرپەرشتیا پێشمەرگە وسەرکردەیێ جوانەمەرگ کاک ئیدریس بارزانی وسەرۆک مەسعود بارزانی چریسکا شۆرەشا گولانا پێشکەفتنخواز گەشکر وخەبات وتێکۆشین لسەرانسەری کوردستانێ لسەر هزرو رێبازا بارزانی نەمر دەستپێکر د دەمەکی سەخت و دژواردا کو گەلی کورد تێدا دەربازبوو، ژ کارەساتێن کوشتن، ئەشکەنجە، و وێرانکرن. وتەعریبێ ژ هێلا رژێما بەعسا سەدامی یا گۆر بە گۆر، بەلێ بەرسڤا پێشمەرگەیان بۆ سیتەمکاران ئەوبوو کو کورد زێندی و خۆنە چەمێنن.
کــاروان باعەدری
