کرمانج عوسمان: حکومەتا هەرێما کوردستانێ جددییە بۆ جینۆسایدناسانا کۆمکووژییا پێکهاتەییان

دهۆک-KDP.info- شێورمەندێ کاروبارێن نیڤدەوڵەتی و یاسایی ل وەزارەتا داد ددەتە دیارکرن، حکومەتا عیراقێ گەلەک کێمتر خەم بووییە، د پرسا جینۆسایدناساندنا کۆمکووژییا پێکهاتەییان دا، ل هەمبەر ژی حکومەتا هەرێما کوردستانێ جددی بووییە کۆ ئەڤ کۆمکووژییە ل سەر ئاستێ جیهانێ ب جینۆساید بهێتە ناساندن.

کورمانج عوسمان، د داخوییانییەکێ دا بۆ ماڵپەرێ فەرمیێ پارتی دیموکراتی کوردستان گۆت:''  پێنگاڤێن حکومەتا هەرێما کوردستانێ ددیار و ئاشکەرانە د خوازن کو ئەڤ تاوانێن داعشێ ل هەمبەر پێکهاتەییان ئەنجامداین ب جینۆساید بهێتە ناسین و کار ژی ژبۆ هندێ کرییە.

گۆتژی:'' پەسەندکرنا دادگەها تایبەتمەند بۆ داعشان ل کوردستانێ ئەڤە بەلگەیییەکە کو ئەو داعشێن تاوان ئەنجامداین ڤەدزین ژ سزایی نەبیت ئەڤە خەمخۆرییا هەرێما کوردستانێ ییە بۆ ب جینۆسایدناساندنا کۆمکوژییا پێکهاتەییان، هەم ژی بۆ سومعەییا هەرێما کوردستانێ گەلەک باشە.

دیارژی کر، ژبلی کو هندێ ژی ئەو غەدرا ل خەلکێ هاتییە کرن بگەهنە مافێن خۆ و داعشی ژی  بگەهنە سزایێ خۆیی دادپەروەرانە، ئەڤە جێبەجێکرنا داخوازیێن قوربانییانە، هەر چەندە عێراق وەڵاتە و سەربەخۆییە بەڵی کار ل سەر هندێ نەکرییە.

کاروان باعەدری