د. خەلیل ئەتروشی: ئەنجامدانا هەلبژارتنان ل کوردستانێ سومعه‌یەکا سیاسیی ب دەستخۆڤە ئینا
دهۆک-KDP.info- مامۆستاییەکی زانینگەها دهۆکێ ددەتە خویاکرن، ل رۆژەکا وەکی ئەڤرۆ ل ١٩ـی ٥ـی ساڵا ١٩٩٢ـێ، هەرێما کوردستانێ پشتی هاتییە ڕزگارکرن ژ رژێما گۆربە گۆرا سەدام حسێنی و پشتی ڤەگەریانا خەلکێ ژ کۆچا ملیۆنی، هزرا ئەنجامدانا هەلبژارتنا د وی دەمی دا گەلەک هزرەکا پێشکەفتیی بووییە، هەرێما کوردستانێ شەرعییەتا خۆییا دیموکراسی بۆ جیهانێ دیارکر و بۆ هەموو وەڵاتێن دیموکراتخواز دا دیارکرن کو کوردان حەزا دیموکراتیێ هەییە.
د. خەلیل ئەترووشی، بۆ ماڵپەرێ فەرمییێ پارتی دیموکراتی کوردستان گۆت:'' ل وی دەمی چاڤێن وەڵاتێن زلهێز هەمییان ل کوردستانێ بوو، کا دێ هەریما کوردستانێ پشتی دروستکرنا هێلا ئارام دێ چاوان شێت تەجرووبەییەکا سیاسییی ئەنجامدەتن، ئەنجامدانا هەلبژاردنان ل ساڵا ١٩٩٢ـێ تەجرووبەییەکا گەلەکا سەرکەفتیی بوو، ناڤەکی گەلەکی باش بوو بۆ هەرێما کوردستانێ و سومعەتەکا سیاسیی ژی ب دەستخۆڤە ئینا.
ناڤهاتی دا دیارکرن، هەرچەندە ئەو هەلبژارتن ب چاڤدێرییەکا نێڤدەوڵەتی بوو و ئەو پرۆسەییەکا ژێهاتی و سەرکەفتی بوو ل رۆژهەلاتا ناڤین، لەورا ئەو هەلبژارتن بوونە بناغەییەکا سیاسیی بۆ هەرێما کوردستانێ و بوویە نەرێتەکا سیاسی و سیستەمێ حوکمرانیێ ل کوردستانێ هاتە دیارکرن.
ئەترووشی گۆتژی:'' ئەڤ رۆژە بووییە رۆژەکا گەش د بزاڤا رزگاریخوازا مللەتێ کورد دا، و ئەو رۆژە ژی بوو ئەگەر کو نها ئەم بەرەڤ دانانا دەستوورەکی بۆ ڤێ هەرێما کوردستانێ ڤە چین ئەڤ ژی دێ بیتە دەستکەفتەکی هەڤبەشێ سیاسیی هەر ب ڕیکا پەرلەمانی ڤەبووییە.
کــاروان بــاعەدری
