دوو رێڤەبەر ل دھۆکێ ھاتنە گوھۆڕین
دھۆک-KDP.info- د چارچۆڤێ گوھۆرینێن بەردەوام یێن د دامودەزگەھێن میری یێن پارێزگەھا دھۆکێ دا دھێنە کرن، ئەڤرۆ رۆژا ٢٠٢١/٥/١٨ د رێورەسمەکی دا ب ئامادەبوونا (شەمعون شلیمون) جێگرێ پارێزگارێ دھۆکێ و (جەھوەر عەلی) قایمقامێ قەزا دھۆکێ و ئەندازیار (مللەت سالم) سەرۆکێ باژێرڤانیا دھۆکێ، رێڤەبەرێ باژێرڤانیا رۆژھەلات و رۆژئاڤا ل باژێرێ دھۆکێ ھاتنە گوھۆرین.
ئیسماعیل مستەفا، بەرپرسێ راگەھاندنێ ل سەرۆکاتیا باژێرڤانیا دھۆکێ بۆ مالپەرێ فەرمیێ پارتی دیموکراتی کوردستان ئاشکرا کر کو ئەڤرۆ د رێورەسمەکێ تایبەت دا ئەندازیار (محەمەد زکری) وەکو رێڤەبەرێ نوی یێ باژێرڤانیا رۆژئاڤا ل باژێرێ دھۆکێ ل جھێ (دیار عەبدولرەحمان) دەست بکاربوو، ھەروەسا ئەندازیار (بریندار عارف) وەکو رێڤەبەرێ نوی یێ باژێرڤانیا رۆژھەلات ل باژێرێ دھۆکێ ل جھێ ئەندازیار (بەھجەت حسێن) دەست بکاربوو.
ناڤھاتی ئاماژە دا وێ چەندێ کو ئەڤ گوھۆرینێن بەردەوام د دامودەزگەھێن میری یێن پارێزگەھا دھۆکێ دا دھێنەکرن د ئاسایی نە بۆ وێ چەندێ خزمەتکا باشتر بھێتەکرن و گۆت: "ئەم دێ وێ باوەرێ داینە ئەڤ ھەر دوو رێڤەبەرێن باژێرڤانیان یێن کو ئەڤرۆ دەست بکاربووین دێ جھێ وێ باوەریێ بن یا کو ئەڤ ئەرکە پێ ھاتیەدان و دێ دگەل فەرمانبەرێن خوە وەکو ئێک تیم کار کەن بۆ خزمەتکرنا باژێرێ دھۆکێ".
رێوار محەمەد رەشید
