دواجار سەرۆك بارزانییە هەمووان كۆدەكاتەوە
خەسرۆ پیربال
ئەم هەفتەیە ,جمووجۆڵە سیاسی- و دیبلۆماسیەكان چڕبوونەتەوە , شاندی جیاجیا و نامە گۆڕینەوەی عەرەب و ئەمریكیەكان و بیانیەكان بۆ سەرۆكی هەرێم دەستی پێكردووە , شاندی باڵای ئەمریكا هاتوونەتە لای سەرۆك بارزانی , لەلایان گەورە مەرجەعی شیعەكان و نێردراوی مالكی , هەموویان دیسانەوە, هاتوونەتە لای سەرۆكایەتی هەرێمی كوردستان بۆ دۆزینەوە نەخشەڕێگایەكی كۆنی-نوێ بۆ دەرچوون لەو چەقبەستن و تەنگژە گەورەیەی عێڕاٌق.
ئاشكرایە كە هەموو لایانە سیاسیە جۆراوجۆرەكانی عیڕاق , گەیشتوونەتە ئەو قەناعەتەی كە بەبێ كورد و ڕوڵی سەرۆكی هەرێمی كوردستان , وەكوو یەكێك لەمەرجەعە سیاسیەكانی عیڕاق , هیچ كێشەیەكی عیڕاق چارەسەرنابێت , هێزە سیاسیەكانی عەرەب و شیعە , هەموویان دەزانن كە بێ كورد , زنجیرەی گرژی و قەیرانەكانی وڵات بەردەوام دەبێت و بەرەو كارەساتی گەورە گەورە دەچین.
لە عیڕاقی نوێ‌دا , سوونە و شیعە پێكەوە موومكیین نیە پێكەوە بەتەنیا كاری سیاسی بكەن , دەبێت هەمیشە كورد وەكوو تەرەفێكی سێهەم بەشداربێت لەهەموو داموودەزگا و بڕیاردانی سیاسی و نوێنەرایەتی و لە دەسەڵات و پەرلەمانیش , ئەو دوولایەنە ناتوانن بێ كورد دۆست بن , وە ئەو ماوەیەی رابردوو شایەتی ئەو ئەزموونەیانە , كە نەیانتوانی وجوودی یەكتر قەبوڵ بكەن ... لەبەرئەوەشە هەموویان , بەئەمریكا و ئێرانیشەوە هەموویان لە دوورەوە چاویان بڕیوەتە سەریبڵند- و چاوەڕێ سەرۆكی هەرێمی كوردستان , نەخشەڕێگای ئاشتی پێكەوەژیانی نێوان عیڕاقیەكان دووبارە مەتڕەح بكا و هەموومان پێكەوە كۆبكاتەوە لەعیڕاقدا..
دەبێت هەموولایانە عەرەب و مەرجەعەكانی وڵات و لەئاستی ناوەخۆشدا لە كوردستان , لەو هەقیقەتە تێبگەن , كە ڕۆڵی سەروكایەتی هەرێمی و كوردستان و جەنابی سەرۆك بارزانییە , وەكوو یەكێك لە مەڕجەعە گرینگەكانی عیڕاقە , بەبێ كورد و سەرۆك بارزانی , ناكرێت ئەو عیڕاقە نوێ‌یە بەردەوام بێت ,باروودۆخی وڵات ئاسایی بێت , پێكهاتەی نوێ‌ی عیڕاق , لەسەر ئەساسی تەوافق و یەكترقەبۆڵكردن و بەشداری هەموولایەك بێت , وە پێش هەموو شتێكیش لەناوبردنی كولتووری دیكتاتۆریەت و یەكتر سڕینەوە و دووركەوتنەوەیە لە دەستوور و قەسەم وبەڵێنەكان.
گرینگیشە لەسەر ئاستی خۆشماندا , لە كوردستان , هەموو لایانە جیاجیاكانی هەرێمی كوردستان , هەست بە بەرپرسیاریەتی مێژژووی سەركردایەتی بارزانی بكەن , هەموویان ببنە كۆڵەگە وپاڵپشتی سەرۆكایەتی هەرێمی كوردستان , لەپرسە جیاجیانی ناوچەكە و ڕۆڵ پێگەی كورد و سەركردایەتی بارزانی لە عیڕاق و ناوچەكەدا.
پێدەچێت بۆ كۆتایی ئەم مانگە و كەش و هەوایەكی نوێ وئاسۆیەكی ڕوونتر لەئارادابێت و لە پلاتفۆڕمێكی گەورەدا لە سەری بڵند- هەموو عیڕاقیەكان كۆببنەوە و بگەنە چارەسەرییەكی گونجاو بۆ دەرچوون لەو قەیرانە سیاسییە گەورەیەدا
