کارا وەزیرێ ئەشۆ: گەرەکە تەڤاهییا کوردان ل چاند و کلتوورا خوە خوەدی دەرکەڤن
برۆکسل-KDP.info- ''کارا وەزیرێ ئەشۆ'' کەچا نڤیسکار و رەوشەنبیر و لێکۆلەر و وێژەڤانێ دیارێ کوردێ ئێزدی ''وەزیرێ ئەشۆ'' دبێژە، دڤێ تەڤاهییا کوردان ل هەر دەرا دنیایێ بە، ل چاند و کەلتوورێ خوە خوەدی دەرکەڤن.
کارا وەزیرێ ئەشۆ، د کورتە هەڤپەیڤینەکێ دا ژ مالپەرا فەرمییا پارتیا دیموکراتا کوردستانێ را دبێژە، دڤێ هەموو کورد ژ کوردستانێ را بخەبتن و بەرژەوەندیێن خۆیێن هزری بدەنە ئالییەکی و کوردستانێ بکەنە مژارا خوە یا سەرەکە.
ناڤهاتی دبێژە، نها ژمارەیا کوردان ل دیاسپۆرێ گەلەکە، گەرەکە ئەم بکارن لۆبییەکی بهێز ژ کوردستانێ را دروستبکەین و دا کو مە کوردستانەکا سەربەست و سەربلند هەبە و هەموو ئایین دهوندرا وێ بژین، و زمان و چاندا خۆ ل دەرڤە ژی ژبیر نەکەین.
کارا ئەو یەکە ژی دا خویاکرن، دڤێ ئەم کوردستانێ وەکا چاڤێ خوە ب پارێزن، و نها هەرێما کوردستانێ بوویە وەلاتێ هەموو کوردان لە هەر دەرا جیهانێ، دڤێ پارتیێن کورد ئەڤی دەستکەفتی ژ خوەرە بپارێزن.
دەربارەیی ئێكەتیا کوردان گۆت:'' دڤێ ئەم سەربۆرێ ژ چاخی وەربگرن، چونکی هەر دەما مە ئێكەتیا خوە نە پاراستبە، وی چاخی ئەم شکەستینە، دڤێت کورد یەک بگرن و ئێكەتیا خوە بپارێزن.
گۆتژی؛ ل بەراهیێ دڤێت جڤاکا خۆ بپارێزین و نەهێلیین ئەڤ جڤاکا مە ل دەرڤە ژناڤ بچە، دڤێت کوردێن دیاسپۆرێ ژبۆ بەرژەوەندیێن کوردستانێ کاربکەن، و ئەم وەک ئالییەک هزر نەکەین، دڤێت هەموو پارت و ئالی ل پشت ڤێ یەکێ بن و پشتگیریا مە بکەن.
کــاروان بــاعەدری
