راگەیاندنی پارتی سه‌ره‌خۆشی له خانه‌واده‌ی میدیاکار (جەلیل خەلیل) ده‌كات
ھەولێر-KDP.info- دەزگای رۆشنبیری و راگەیاندنی پارتی دیموکراتی کوردستان سه‌ره‌خۆشی له خانه‌واده‌ی میدیاکار (جەلیل خەلیل) ده‌كات.
بەڕێزان خانەوادەی میدیاکار (جەلیل خەلیل)
بەداخ و پەژارەیەکی زۆرەوە ھەواڵی کۆچی دوایی راگەیاندنکار و کادیری دڵسۆزی راگەیاندنی پارتیمان لە رادیۆی دھۆک، خوالێخۆشبوو(جەلیل خەلیل)مان پێگەیشت.
بەم بۆنە خەمناکەوە پرسه و سه‌ره‌خۆشی خۆمان ئاراسته‌ی بنەماڵە بەڕێزەکەتان و کەسوکار و ھاوڕێ و ھاوپیشەکانی خوالێخۆشبوو و، سەرجەم ھەڤاڵانی رادیۆی دھۆک دەکەین و، هاوبه‌شی خه‌متانین.
له خودای گەورە داواكارین سەبوری و ئارامی بە ھەموولایەک ببەخشێت و گیانی میدیاکاری کۆچکردویش به به‌هه‌شتی به‌رین شاد بكات.
انا للە وانا الیە راجعون.
دەزگای رۆشنبیری و راگەیاندنی پارتی دیموکراتی کوردستان
