مەسرور بارزانی: پێشوازی لە هەلوێستی دۆست و هاوبەشانی عێراق و هەرێمی کوردستان دەکەم

هه‌ولێر-KDP.info-سه‌رۆكی حكومه‌تی هه‌رێمی كوردستان له‌ تویتێكدا له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی تویته‌ر ڕایگه‌یاند: پێشوازی لە هەڵوێستی دۆست و هاوبەشانی عێراق و هەرێمی کوردستان دەکەم کە بە کۆی دەنگ سەرکۆنەی هێرشی ئەم دواییەی هەولێریان کرد

ڕاشیگه‌یاند:  ئێمه‌ ئامانجی هاوبه‌شمان هه‌یه‌ كه‌ ئه‌ویش پاراستنی سەقامگیریی و ئاسایشی هەموو خەڵکی عێراق و سەرکەوتنە لە شەڕی دژ بە داعش .

ئه‌و تویته‌ی سه‌رۆكی حكومه‌تی هه‌رێم دوای ئه‌وه‌ دێت كه‌ ئێواره‌ی ئه‌مڕۆ هه‌ینی هاوپه‌یمانان ڕاگه‌ێندراوێكی هاوبه‌شیان له‌باره‌ی هێرشه‌كه‌ی سه‌ر فڕۆكه‌خانه‌ی نێوده‌وڵه‌تی هه‌ولێر بڵاوكرده‌وه‌ و تیایدا ڕایانگه‌یاند كه‌ به‌ توندی ئیدانه‌ی هێرشه‌كه‌ 14ی نیسانی سه‌ر هه‌رێمی كوردستان ده‌كه‌ین.