سه‌رۆكی هه‌رێمی كوردستان ته‌قینه‌وه‌كه‌ی ڕۆژهه‌ڵاتی به‌غدا ئیدانه ده‌كات
هه‌ولێر-KDP.info- نێچیرڤان بارزانی سه‌رۆكی هه‌رێمی كوردستان ئه‌و ته‌قینه‌وه‌یه‌ی پرۆتستۆكرد كه له شاری سه‌در له ڕۆژهه‌ڵاتی به‌غدا ڕووی داو ژماره‌یه‌ك قوربانی لێ كه‌وته‌وه.
نێچیرڤان بارزانی سه‌رۆكی هه‌رێمی كوردستان له‌تویتێكدا له تۆڕی كۆمه‌ڵایه‌تی تویته‌ر نووسیوویه‌تی: ئه‌و كاره تیرۆریستییه پرۆتستۆ ده‌كه‌م كه بازاڕێكی میللی له‌ناوچه‌ی حه‌بیبییه له شاری سه‌در له‌ڕۆژهه‌ڵاتی به‌غدای كرده ئامانج و بوو به هۆی شه‌هید و برینداربوونی ژماره‌یه‌ك هاووڵاتی بێ تاوان.
خواوه‌ند شه‌هیده‌كان به به‌هه‌شتی به‌رین شاد بكات و هیوای زوو چاكبوونه‌وه‌یش بۆ برینداره‌كان ده‌خوازین. دڵمان له‌گه‌ڵ كه‌سوكاری قوربانییه‌كانه‌و هاوبه‌شی خه‌میانین.
