سه‌رۆكێ هه‌رێما كوردستانێ سه‌رسالا ئێزدییان پیرۆز دكه‌ت
هەولێر-KDP.info-جه‌ژنا سه‌رسالێ (چارشه‌مبوا سۆر) ل هه‌موو خوشك و برایێن مه یێن ئێزدى ل كوردستانێ و جیهانێ، پیرۆز دكه‌م. پیرۆزباهییه‌ك تایبه‌ت ژبۆ كه‌سوكارێن قوربانى یێن تیرۆرێ و یێن هه‌تا نها د كا‌مپاندا ژیانا خوه ده‌رباز دكه‌ن. ب هێڤییا كو جه‌ژن و بیرهاتنێن بێن، د ڕه‌وشه‌كا باشتردا ل مه ڤه‌گه‌ڕن.
ئیسال ژى دیسا جه‌ژن د ده‌مه‌كێدایه كو ته‌ڤى هه‌موو جیهانێ، كوردستان ژى ژ ده‌ستێ كۆڤید_19ێ دنالیت، هێڤیدرام هه‌ركه‌س پێگرى ڕێكارێن ته‌ندروستى و خۆپارێزیێ بن. مخابن ته‌ڤى ڕه‌وشا گرانا ژیانا كامپان، هێشتا چاره‌نڤیسا بێترى دو هزار خوشك و برایێن مه یێن ئێزدى یێن ڕه‌ڤاندى ژى نه‌دیاره.
ئه‌م دیسا هه‌موو ئێزدییان پشتڕاست دكه‌ین هه‌تا دووماهیێ و هندى ئێزدییه‌ك ڕه‌ڤاندى مابیت، ئه‌م دێ ل په‌ى چاره‌نڤیسێ وان بین و چ پێویسته ژبۆ ڕزگاركرنا وان، ئه‌م ئاماده و به‌رده‌وامین. هه‌روه‌سا هه‌ولێن مه ژبۆ ئاڤه‌دانكرنا ده‌ڤه‌رێن ئێزدییان و بپارێزگه‌هكرنا شه‌نگالێ دگه‌ڵ حكوومه‌تا فیدرالا عیراقێ دێ به‌رده‌وام بن.
سه‌رسالا وه هه‌موویان پیرۆز، هه‌ر سال ب خێر و خۆشى.
نێچیرڤان بارزانى
سه‌رۆكێ هه‌رێما كوردستانێ
13/4/2021
