سەرۆکی پەرلەمان: رەمزی شەعبان کەسایەتییەکی دیاری کوردستان بوو
هه‌ولێر-KDP.info- سەرۆکی پەرلەمانی کوردستان پەیامێکی هاوخەمی بۆ کۆچی دوایی رەمزی شەعبان بڵاوکردەوە و تێیدا رایگەیاند: "بەداخەوە هەواڵی کۆچی دوایی رەمزی شەعبانمان پێگەیشت. خوالێخۆشبوو کەسایەتییەکی دیاری کوردستان بوو".
دەقی پەیامەکەی سەرۆکی پەرلەمانی کوردستان:
بەڕێز مەکتەبی سیاسی پارتی دیموکراتی کوردستان.
خانەوادەی خوالێخۆشبوو (ڕەمزی شەعبان).
بەداخەوە هەواڵی کۆچی دوایی (ڕەمزی شەعبان)، ئەندامی ئەنجومەنی سەرکردایەتی پارتی دیموکراتی کوردستان-مان پێگەیشت.
خوالێخۆشبوو کەسایەتییەکی دیاری کوردستان بوو، بەداخەوە بەهۆی ڤایرۆسی کۆڕۆنا گیانی سپارد.
بەم بۆنە خەمناکەوە پرسە و هاوخەمی خۆم ئاڕاستەی خانەوادە و دۆست و هەڤاڵانی دەکەم، و داواکارم لە خوای گەورە گیانی کۆچکردوو بە بەهەشتی بەرین شاد بکات.
انا للە وانا الیه راجعون
د. ڕێواز فایەق
سەرۆکی پەرلەمانی کوردستان
٣ی نیسانی ٢٠٢١
