بەشێك لە وێستگەكانی ژیان و خەباتی ره‌مزی شه‌عبان
هه‌ولێر-KDP.info- ره‌مزی خه‌لیل شه‌عبان ناسراو بە ره‌مزی شه‌عبان، ئەندامی ئەنجوومەنی سەركردایەتی پارتی دیموكراتی كوردستان، لە 23ی 11ی 1942 لە دەڤەری بارزان لە دایكبووە، بە داخەوە ئێوارەی ئه‌مرۆ شه‌ممه 3ى 4ى 2021 بە هۆی ڤایرۆسی کۆرۆنا لە ئەنقەرەی پایتەختی تورکیا کۆچی دوایی کرد.
بەشێك لە وێستگەكانی ژیان و خەباتی ره‌مزی شه‌عبان
ره‌مزی خه‌لیل شه‌عبان ناسراو بە ره‌مزی شه‌عبان.
23/11/ 1942ز – لە بلێ- بارزان لە دایکبووە.
ساڵی ١٩٧٢بەشی ئەندازیاری میکانیکی لە زانکۆی پراگ لە چیک تەواو کردووە و هەڵگری بڕوانامەی ماستەر بووە.
شارەزایی لە زمانەکانی دایک و عەرەبی، ئینگلیزی، چیکی، سلۆڤاکی و سوێدی بووە.
لە ساڵی ١٩٤٦-١٩٤٧ لە کۆماری کوردستان لە مەهاباد بووە ، ساڵی ١٩٦٠- ١٩٨٠ ئاوارەی کۆماری چیک و سوێد بووە، ساڵی ١٩٨٠- ٢٠٠١ ئاوارەی ئێران بوو.
ساڵی ١٩٥٨ پەیوەندی بە ریزەکانی پارتی دیموکراتی کوردستان کردووە، ساڵی ١٩٦٠-١٩٧٥ بەرپرسی پارتی بووە لە چیکۆسلۆڤاکیا، ١٩٧٥-١٩٨٠ بەرپرسی پارتی بووە لە سوێد، ساڵی ١٩٧٩ لە کۆنگرەی نۆیەم بە ئەندامی کۆمیتەی ناوەندی هەڵبژێردراوە لە هەمانکاتدا بەرپرسی رێکخستن بوو لە راژان.
١٩٨١-١٩٨٥ بەرپرسی لیژنەی لقی ٦ی ئەورووپا بوو.
١٩٨٥-١٩٨٦ بەرپرسی دارایی مەکتەبی سیاسی بوو.
١٩٨٦-١٩٨٧ بەرپرسی لیژنەی لقی ١ بوو.
١٩٨٧-١٩٩١ بەرپرسی دارایی مەکتەبی سیاسی بوو.
١٩٩١-١٩٩٣ بەرپرسی مەکتەبی ناوەندی رێکخستن بوو.
١٩٩٣-١٩٩٤ بەرپرسی پەیوەندییەکانی پارتی بوو.
١٩٩٤-١٩٩٦ بەرپرسی لقی ١ی دهۆک
١٩٩٧ تا ئێستا بەرپرسی مەکتەبی ناوەندی کارگێڕی و دارایی مەکتەبی سیاسییە.
مامۆستای خولەکانی ٦ و ٧ پەیمانگای کادیران بوو لە راژان.
ساڵی ١٩٧٩ پەیوەندی بە ریزەکانی پێشمەرگە کردووە.
بەشدار بووە لە ئامادەکارییەکانی داستانەکانی سنووری لقی یەک لە ساڵانی ١٩٨٦-١٩٨٧
لە سەردەمی سەرکردایەتی کاتی سەروتاری بۆ رۆژنامەی خەبات نووسیووە.
بەشدار بووە لە دەرهێنانی رۆژنامەی ( وڵات) ئۆرگانی لقی ٦ی ئەورووپا لە ١٩٨١- ١٩٨٥
