"ره‌مزی شه‌عبان" کۆچی دوایی کرد
هه‌ولێر-KDP.info- ئه‌مرۆ شه‌ممه 3ى 4ى 2021 ره‌مزی شه‌عبان، ئەندامی ئەنجوومەنی سەركردایەتی پارتی دیموكراتی كوردستان و بەرپرسی مەكتەبی كارگێری و دارایی، لە ئەنقەرەی پایتەختی تورکیا بە هۆی ڤایرۆسی کۆرۆنا کۆچی دوایی کرد.
بەشێك لە وێستگەكانی ژیانی خوالێخۆشبوو
ڕه‌مزی خه‌لیل شه‌عبان ناسراو بە ڕه‌مزی شه‌عبان.
23/11/ 1942ز – لە بلێ- بارزان لە دایکبووە.
ساڵی ١٩٧٢بەشی ئەندازیاری میکانیکی لە زانکۆی پراگ لە چیک تەواو کردووە و هەڵگری بڕوانامەی ماستەر بووە.
شارەزایی لە زمانەکانی دایک و عەرەبی، ئینگلیزی، چیکی، سلۆڤاکی و سوێدی بووە.
لە ساڵی ١٩٤٦-١٩٤٧ لە کۆماری کوردستان لە مەهاباد بووە ، ساڵی ١٩٦٠- ١٩٨٠ ئاوارەی کۆماری چیک و سوێد بووە، ساڵی ١٩٨٠- ٢٠٠١ ئاوارەی ئێران بوو.
ساڵی ١٩٥٨ پەیوەندی بە ریزەکانی پارتی دیموکراتی کوردستان کردووە، ساڵی ١٩٦٠-١٩٧٥ بەرپرسی پارتی بووە لە چیکۆسلۆڤاکیا، ١٩٧٥-١٩٨٠ بەرپرسی پارتی بووە لە سوێد، ساڵی ١٩٧٩ لە کۆنگرەی نۆیەم بە ئەندامی کۆمیتەی ناوەندی هەڵبژێردراوە لە هەمانکاتدا بەرپرسی رێکخستن بوو لە راژان.
١٩٨١-١٩٨٥ بەرپرسی لیژنەی لقی ٦ی ئەورووپا بوو.
١٩٨٥-١٩٨٦ بەرپرسی دارایی مەکتەبی سیاسی بوو.
١٩٨٦-١٩٨٧ بەرپرسی لیژنەی لقی ١ بوو.
١٩٨٧-١٩٩١ بەرپرسی دارایی مەکتەبی سیاسی بوو.
١٩٩١-١٩٩٣ بەرپرسی مەکتەبی ناوەندی رێکخستن بوو.
١٩٩٣-١٩٩٤ بەرپرسی پەیوەندییەکانی پارتی بوو.
١٩٩٤-١٩٩٦ بەرپرسی لقی ١ی دهۆک
١٩٩٧ تا ئێستا بەرپرسی مەکتەبی ناوەندی کارگێڕی و دارایی مەکتەبی سیاسییە.
مامۆستای خولەکانی ٦ و ٧ پەیمانگای کادیران بوو لە راژان.
ساڵی ١٩٧٩ پەیوەندی بە ریزەکانی پێشمەرگە کردووە.
بەشدار بووە لە ئامادەکارییەکانی داستانەکانی سنووری لقی یەک لە ساڵانی ١٩٨٦-١٩٨٧
لە سەردەمی سەرکردایەتی کاتی سەروتاری بۆ رۆژنامەی خەبات نووسیووە.
بەشدار بووە لە دەرهێنانی رۆژنامەی ( وڵات) ئۆرگانی لقی ٦ی ئەورووپا لە ١٩٨١- ١٩٨٥
