خەلکێ پارێزگەھا دھۆکێ بێ خرڤەبوونێن جەماوەری دێ ئاگرێ نەورۆزێ ھەلکەن
دھۆک-KDP.info- کۆمبوونا لیژنا ئەمنی ل پارێزگەھا دھۆکێ ئەڤرۆ رۆژا ١٨-٣-٢٠٢١ کۆمبوونەک ب سەرپەرشیا (د.عەلی تەتەر) پارێزگارێ دھۆکێ ئەنجامدا و چەند رێنمایێن نوو بو رۆژێن جەژنا نەوروزێ ھاتنە دەرکرن.
ماجد سەید سالح، جێگرێ پارێزگارێ دھۆکێ بو کاروبارێن تەکنیکی ب وەکالەت د پرێس کۆنفرانسەکی دا ئاشکرا کر کو چو مەراسیمێن فەرمی بۆ ھەلکرنا ئاگرێ نەورۆزێ ل پارێزگەھا دھۆکێ ناھێنە ئەنجامدان و ھیچ خرڤەبوونەکا جەماوەری ژی ناھێتەکرن، بەلێ رێک ل ھەمبەر خەلکێ پارێزگەھا دھۆکێ ناھێتەگرتن کو ڤێ ھەلکەفتا نەتەوەیی ساخ بکەن، بەلێ نابیت کەرەستێن پلاستیکی و تایرە بھێنە سۆتن و دڤێت ژینگەھـ و دارستان بھێنە پاراستن، ھەروەسا تەقەکرن و داربڕین ژی قەدەغەیە و سەرپێچکار دێ ھێنە سزادان ھەروەسا دڤێت ھەموو وەلاتی پێگریێ ب رێنمایێن خوە پاراستنێ ژڤایرسێ کورونایێ بکەن.
رێوار محەمەد رەشید
