گرێبەستەک دناڤبەرا ساخلەمیا دھۆکێ و وەلاتێ چیک دا ھاتە ئیمزاکرن
__2021_03_11_h15m3s39__ER.jpg)
دھۆک-KDP.info- ب مەرەما دابینکرنا ھژمارەکا کەلوپەل و ئامیرێن نۆشداری بۆ نەخۆشخانا زارۆکبوونێ ل قەزا زاخۆ ئەڤرۆ رۆژا ١١/٣/٢٠٢١ ب ئامادەبوونا قۆنسلێ گشتی یێ وەلاتێ چیک ل ھەرێما کوردستانێ و و قائیمقامێ قەزا زاخۆ ب وەکالەت و رێڤەبەرَ گشتی یێ ساخلەمیا پارێزگەھا دھۆکێ گرێبەستەک دناڤبەرا وەلاتێ ناڤھاتی و ساخلەمیا پارێزگەھا دھۆکێ دا ھاتە ئیمزاکرن.
دلشێر عەبدولستار، قائیمقامێ قەزا زاخۆ ب وەکالەت دپرێس کۆنفرانسەکی دا ئاشکرا کر کو د سالێن بۆری دا ژ بەر ھاتنا ژمارەکا مەزن یا ئاواران بۆ سنوورێ پارێزگەھا دھۆکێ ھەتا رادەیەکی بارگرانی کەفتیە ل سەر نەخۆشخانە و بنگەھێن ساخلەمیێ یێن قەزا زاخۆ ژی ئەڤە د دەمەکی دایە کو حکومەتا ھەرێما کوردستانێ کێم تەرخەمی د دابینکرنا پێدڤیێن نۆشداری دا نەکریە، بەلێ ژ بەر ڤێ چەندێ وەلاتێ چیک ب فەر دیت ئەڤرۆ چەندین ئامیرە و پێدڤیێن نۆشداری پێشکێشی نەخۆشخانا زارۆکبوونێ ل قەزا زاخۆ بکەت و گۆت: "نوکە چار کەمپێن ئاواران ل قەزا زاخۆ ھەنە و نێزیکی ٨٥ ھزار ئاواران ل سنوورێ قەزا ناڤھاتی د ئاکنجی نە ژ بلی ڤێ چەندێ نێزیکی ھەشت ھزار پەنابەرێن رۆژئاڤایێ کوردستانێ ژی ل ڤێ قەزایێ دژین".
ژ ئالیێ خۆ ڤە میخال سڤۆبوردا، قۆنسلێ گشتی یێ وەلاتێ چیک ل ھەرێما کوردستاننێ دا ئاشکرا کر ک ئەو یێ خوەشحالە ب ئیمزاکرنا ڤێ گرێبەستێ دگەل ساخلەمیا پارێزگەھا دھۆکێ بۆ دابینکرنا ھژمارەکا کەلوپەل و ئامیرێن نۆشداری یێن سەردەمانە بۆ نەخۆشخانا زارۆکبوونێ ل قەزا زاخۆ و گۆت: "د پلانا مەدایە پتر گرنگیێ ب کەرتێ ساخلەمیێ بدەین ل ھەرێما کوردستانێ و بەردەوام ئامیرێن سەردەمانە یێن ساخلەمیێ بۆ دابین بکەین".
د. ئەفراسیاب موسا رێڤەبەرێ گشتی یێ ساخلەمیێ ل پارێزگەھا دھۆکێ د ھەمان پرێس کۆنفرانس دا ئاشکرا کر کو وەلاتێ چیک ئێک ژ وان وەلاتانە کو ھەمی دەمان ھاریکاریا کەرتێ ساخلەمیێ ل ھەرێما کوردستانێ ب گشتی و پارێزگەھا دھۆکێ ب تایبەتی کریە و چەندین ئامیرە و پێدڤیێن نۆشداری دابینکرینە.
رێوار محەمەد رەشید
