ئه‌مڕۆ ئەنجوومەنی وەزیران کۆدەبێتەوە
هەولێر-KDP.info- پێش نیوه‌ڕۆی ئه‌مڕۆ، ئه‌نجومه‌نی وه‌زیران بە سه‌رۆكایه‌تیی مه‌سروور بارزانی سه‌رۆكی حكوومه‌ت و به ئاماده‌بوونی قوباد تاڵه‌بانی جێگری سه‌رۆكی حكوومه‌ت، كۆبوونه‌وه‌ی ئاسایی هه‌فتانه‌ی خۆی بۆ تاوتوێكردنی چەند بابەتێک ساز دەکات.
فەرمانگەی میدیا و زانیاری حکوومەتی هەرێمی کوردستان ئاشکرایکردووە، ئەنجوومەنی وەزیران، قسە لەسەر ئەم سێ بابەتە دەکات:
- خستنەڕووی راپۆرتێکی تایبەت بە ڕەوشی پێکهاتەکان و پێکەوەژیان لە هەرێمی کوردستان و سەردانی پاپا فرانسیس بۆ هەرێمی کوردستان و پوختەی چالاکییەکانی و گرنگی ئەم سەردانە و دەرەنجامەکانی بۆ هەرێم.
- خستنەڕووی دوا ڕەشنووسی پڕۆژە پەیڕەوی پێدانی مۆڵەتی خوێندن لە هەرێمی کوردستان بۆ دەنگدانی کۆتایی.
- خستنەڕووی ڕەشنووسی پڕۆژە یاسای (هەمواری پیادەکردنی یاسای بەڕێوەبردنی ئەوقاف ژمارە (64)ی ساڵی (1966)ی هەموارکراو لە هەرێمی کوردستان - عێراق).
