سه‌رۆك بارزانى: بە گەرمی بەخێرهاتنی سەردانی قەداسەتی پاپا بۆ هەرێمی کوردستان دەکەم
ھەولێر-KDP.info- سه‌رۆك مه‌سعود بارزانى، له په‌یامێكدا به‌خێرهاتنى پاپاى ڤاتیكان بۆ هه‌رێمى كوردستان ده‌كات و ڕاى ده‌گه‌یه‌نێت، سه‌ردانه پیرۆزه‌كه‌ى قه‌داسه‌تى پاپا بۆ عێراق و هه‌رێمى كوردستان، مێژووییه".
ئه‌مڕۆ یه‌كشه‌ممه 7/3/2021، سه‌رۆك بارزانى په‌یامێكى له پێگه‌ى تایبه‌تیی خۆى، له تۆڕى كۆمه‌ڵایه‌تیی (تویته‌ر) بڵاو كرده‌وه و ده‌ڵێت: "بە گەرمی بەخێرهاتنی سەردانی قەداسەتی پاپا بۆ هەرێمی کوردستان دەکەم".
سه‌رۆك بارزانى هه‌روه‌ها ئاماژه‌ى به‌وه داوه: "لە ڕاستیدا سەردانە پیرۆزەکەی قه‌داسه‌تى پاپا بۆ عێڕاق و هەرێمی کوردستان مێژووییە و پەیامی ئاشتی و پێکەوەژیان لەخۆ دەگرێت".
سه‌رله‌به‌یانیی ئه‌مڕۆ یه‌كشه‌ممه، پاپا فرانسیس، پاپاى ڤاتیكان گه‌یشته هه‌رێمى كوردستان.
