پارێزگارێ دهوکێ سەرپەرشتیا کۆمبوونا لژنا سیستەمێ غازێ کر

دهۆك-KDP.info- ئەڤرۆ رۆژا چوارشەمبی ٣/٣/٢٠٢١  "د.عەلی تەتەر" پارێزگارێ دهۆکێ، ب ئامادەبوونا جێگرێ پارێزگاری و رێڤەبەریا بەرگری شارستانی و رێڤەبەریا گەشەپێدانا پیشەسازی و رێڤەبەریا نەفت و کانزاکان سەرپەرشتیا کۆمبوونەکا تایبەت ل دۆر رێکخستنا سیستەمێ غازێ “LPG” کر. 

دکۆمبوونێدا پارێزگارێ دهۆکێ ئاماژە ب رێنمایێن وەزارەتا ناڤخو یا حکۆمەتا هەرێما کوردستانێ دا و دا دیارکرن کو کۆمپانیێن دانانا سیستەمێ غازێ و ئەو جهێن ڤی سیستەمی بکاردئینن پێدڤیە هەمی رێنمایێن حکومەتێ بجهـــ بینن ژبو پاراستنا گیانێ هاولاتیان و کارمەندێن وان.

رێڤەبەریێن پەیوەندیدار پشتی دان و ستاندنێ ل دۆر سیستەمێ ناڤبری و هەلسەنگاندنا رێنمایێن بریار هاتەدان دگەل کۆمپانیێن کارێ دانانا سیستەمێ غازێ دکەن کۆمبوونەکا دی بۆ دیفچوونا رێنمایان بهێتەکرن.