موستەفا ئۆزجەلیک: بارزانیێ نەمر هەموو ژیانا خۆ بۆ گەلێ کورد تەرخانکر

باکوورێ کوردستانێ-KDP.info- سەرۆکێ پارتییا ئازداییا کوردستانێ ل باکووری کوردستانێ گۆت: ژیانا بارزانییێ نەمر، ب شەر، کۆچبەری، سۆرگون ، وێرانی و ب تراژەدییێن مەزنڤە هاتیە نەخشاندن، ھەروەھا ژیانا بارزانییێ نەمر، ب خوەشی و نەخوەشییێن خوە، ب سەرکەفتن و شکەستنێن خوە، ب وەلاتپەروەرییێ، ب خەبات و تێکۆشینەکە بێوەستان، ب ھێڤی، دلسۆزی و بریاردارییێ، ب بەرخوەدانێ و ب سەکنەکە ب شەخسیەت ڤە ھاتییە ھووناندن.

موستەفا ئۆزجەلیک، بۆ ماڵپەرێ فەرمیێ پارتی دیموکراتی کوردستان گۆت:'' بارزانییێ نەمر ب رێباز و خەبات و تێکۆشینا شێخ عەبدولسەلام بارزانی و شێخ ئەحمەد بارزانی و د دبستانا وەڵاتپەروەرییا وان دە پەروەردە بوویە، بئەو بەردەوامییا دۆزا شێخ سەید، خالد بەگێ جبری، سەید رزا، ئیحسان نوری ، قازی محەمەدە.

دیار ژی کر، بارزانێی نەمر وەکە سەرفەرماندارەکی ئارتێشا کۆمارا کوردستانێ (کۆمارا مەھابادێ) د ئاڤا کرنا کۆمارا کوردستانێ دە رۆڵەکی دیرۆکی لەیستییە، پشتی ھەلوەشاندنا کۆمارا کوردستانێ، ١١ سالان ل یەکەتییا سۆڤیەتێ ل گەل ٥٠٠ ھەڤالێن خوەیێن پێشمەرگە ژیانەکە ب گەلەک زەحمەتییانەڤە دەرباس کر.

ئاماژەدا، ئاڵا کوردستانێ یا کو پێشەوا قازی محەمەدی تەسلیمی موستافا بارزانییێ نەمر کر، چو جاری ل ئەردێ نەکەفت، و ئەو ئاڵایا کو  بارزانییێ نەمر تەسلیمی پێشمەرگەیێن کوردستانێ کربوو، ب گەلەک ئێش و زلم و کۆمکووژییانڤە، لێ ب تێکۆشینا پێشمەرگەیێن قەھرەمان، ب  تێکۆشینا  ھەموو کەداکارێن دۆزا ئازادییێ ل باشوورێ کوردستانێ ئیرۆ ب ئاوایەکی سەرفرازی ل سەر پارلامەنتۆیا کوردستانێ ل ھەولێرێ ل هاتییە بلندکرن.

گۆتژی:'' خەبات، تێکۆشین، سەکن و شەخسییەتا بارزانییێ نەمر ئیرۆ ژی ژبۆ ھەموو کوردێن جیھانێ جھێ رێزێ و ھێڤییێیە. ئەوپێشمەرگەیەک بوو، سەرفەرماندارەک بوو، رێبەرەک بوو، دلسۆز و سەرۆکەک بوو. د قادا ناڤنەتەوەیی دە جیھەکی خوەیێ گرینگ ھەبوو.

کــاروان بــاعەدری