سەرۆکی حکومەت سەرەخۆشی لە بێگەرد تاڵەبانی دەکات

هه‌ولێر-KDP.info- ئێوارەی ئەمڕۆ سێشەممە 2021/2/2 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە بێگەرد تاڵەبانی وەزیری کشتوکاڵ و سەرچاوەکانی ئاو کرد بۆ کۆچی دوایی ( دڵشاد تاڵەبانی ) باوکی. 

سەرۆکی حکومەت ، هاوخەمی خۆی بە بنەماڵەکەیان ڕاگەیاند و هیوای خواست، خوای مەزن گیانی بە بەهەشت شاد بکات و ئارامییش بە کەسوکار و خانەوادەکەیان ببەخشێت.