کچەکا مەسیحی بوویە سەرۆکا باژێرڤانیا ئیبراهیم خەلیل

دهۆک-KDP.info-بەرپرسێ راگەهاندنا رێڤەبەریا گشتی یا باژێرڤانیان ل پارێزگەها دهۆکێ ئاشکرا کر کو درێورەسمەکی دا کچەکا گەنج یا مەسیحی ئەڤرۆ رۆژا 6/1/2021 وەکو سەرۆکا نوی یا باژێرڤانیا ئیبراهیم خەلیل دەستبکاربوو.

ئەمیر ئەترووشی، بەرپرسێ راگەهاندنا رێڤەبەریا گشتی یا باژێرڤانیان ل پارێزگەها دهۆکێ بۆ مالپەرێ فەرمیێ پارتی دیموکراتی کوردستان ئاشکرا کر کو د چارچوڤێ وان گوهۆڕینێن بەردەوامێن د پۆستێن سەرۆکێن باژێرڤانیێن سنوورێ پارێزگەها دهۆکێ دا دهێنەکرن ئەڤرۆ د رێورەسمەکی دا ب ئامادەبوونا ئەندازیار (دیار بەحری) رێڤەبەرێ گشتیێ باژێرڤانیان ل پارێزگەھا دھۆکێ و (سەروەر سەعید) رێڤەبەرێ ناحیا ئیبراھیم خەلیل ئەندازیار (ماردین حکمەت یوسف) کو کچەکا مەسیحی یە وەکو سەرۆکا باژێرڤانیا ئیبراھیم خەلیل ل جهێ (نیھاد سەلیم) دەستبکاربوو.

ناڤهاتی خویا کر کو ئەندازیار ماردین ژدایکبوویا سالا 1989ێ یە، ئاکنجیا قەزا زاخۆیە ل دەڤەرا (پێشابیر)ێ، بەری نوکە بەرپرسا پشکا ئەندایاری بوویە ل فەرمانگەھا ھاتنوچوونا زاخۆ.

رێوار محەمەد رەشید