بە ئامادەبوونی هاوپەیمانیی نێوەدەوڵەتی ساڵڕۆژی ئاڵای کوردستان بەرز ڕاگیرا
هەولێر-KDP.info- ئەمڕۆ پێنجشەممە ١٧ی١٢ی٢٠٢٠ لە دیوانی وەزارەتی پێشمەرگە و بە ئامادەبوونی هێزەکانی هاوپەیمانیی نێودەوڵەتیی، ساڵڕۆژی ئاڵای کوردستان بەرز ڕاگیرا.
سەرەتا و دوای نمایشی سروودی نیشتمانیی ئەی ڕەقیب، تیپی مۆسیقای سەربازی مەراسیمەکەی دەست پێکرد و یەکەی ڕێکاری سەربازی ئاڵای کوردستانیان بەشکۆوە هەڵکرد.
دواتر شۆڕش ئیسماعیل وەزیری پێشمەرگەی حکوومەتی هەرێمی کوردستان لە وتارێکدا ڕایگەیاند: "ئەم ئاڵایە نیشانەی سەربەرزیی هەموو تاکێکی نەتەوەکەمان و نیشانەی گیانفیدایی تەواوی شەهیدانمانە، بۆیە پاراستن و بە بەرزی هێشتنەوەی ئەو ئاڵایە ئەرکی هەموانە".
وەزیری پێشمەرگە گوتیشی: "هەرێمی کوردستان لەژێر ئەم ئاڵایە خاوەن سەروەری خۆیەتی و هیچ کاتێک سازش لەسەر مافەکانی خۆی ناکات".
