نێچیرڤان بارزانی: مستەفا نێروەیی نموونه‌یه‌كی خۆڕاگری و ئازایەتی بوو

ھەولێر-KDP.info- نێچیرڤان بارزانی، بە بۆنەی كۆچی دواییی پێشمەرگەی دێرین و كەسایەتیی ناودار مستەفا نێروەیی، پەیامێكی سەرەخۆشی ئاراستەی بنەماڵە و كەسوكاری خوالێخۆشبوو كرد، ئەمە دەقەكەیەتی:

مالباتا ڕێزدار یا خودێ ژێ ڕازى مسته‌فا نێروه‌یى

وه‌غه‌را پێشمه‌رگێ ئه‌گید و دێرین مسته‌فا نێروه‌یى، ئه‌م گه‌له‌ك خه‌مبار كرین. به‌هیدارى و سه‌رساخیێ ل وه‌ یێن ڕێزدار و هه‌مى هه‌ڤچه‌په‌رێن وى دكه‌ین، ژدل هه‌ڤخه‌م و هه‌ڤسۆزێن وه‌ یێن ڕێزدارین‌.

مستەفا نێروەیی ژ مالباته‌كا ناڤدار و ئێك ژ پێشمه‌رگێن ده‌سپێكێ یێن شۆڕه‌شا ئیلۆنێ بوو، ب دلسۆزى و مێرخاسیا خۆ، ببوو جهێ باوه‌ریا بارزانیێ نه‌مر و سه‌ركردایه‌تیا شۆڕه‌شێ، هه‌روه‌سا فه‌رمانده‌یه‌كێ جهێ باوه‌ریا پێشمه‌رگه‌ى و خۆشتڤییێ خه‌لكى بوو.

ده‌ما كه‌تنا شۆڕه‌شا ئیلۆنێ، هه‌ر ب خۆڕاگرى ما و د شۆڕه‌شا گولانێدا ژى گه‌له‌كێ چالاك بوو، ڕۆله‌كێ مه‌زن د سه‌رهلدانا ئادارا 1991ێ د چارچۆڤه‌یا به‌ره‌یێ كوردستانیدا، گێڕا. ب ڕاستى نموونه‌یه‌كێ خۆڕاگرى و مێرخاسیێ بوو.

مستەفا نێروەیی ب خه‌باتا خۆ یا دویر و درێژ، ب قه‌هره‌مانى، ئه‌گیدى و وه‌فادارییا خۆ، دێ هه‌رتم د بیرا مه‌ و هه‌مى هه‌ڤچه‌په‌رێن خۆ و خه‌لكیدا زندى مینیت.

 

نێچیرڤان بارزانی

سەرۆكێ هەرێما كوردستانێ

9/12/2020