كاكەمین نەجاڕ بۆ KDP: ئامادەكاری كراوە.. سه‌ره‌تای ساڵی دابێ كۆنگرە ئەنجام دەدرێت
هەولێر-KDP.info- بڕیار بوو ئەمساڵ پارتی دیموكراتی كوردستان كۆنگرەی خۆی ئەنجام بدات و ئەندامێكی مەكتەبی سیاسیی پارتیش دەڵێ، كۆنگرە دەكەوێتە مانگەكانی سەرەتای ساڵی داهاتوو و ئامادەكارییشی بۆ كراوە.
كاكەمین نەجاڕ، ئەندامی مەكتەبی سیاسیی پارتی، بە ماڵپەڕی فەرمیی پارتی دیموكراتی كوردستانی راگەیاند: "پارتی ئامادەكاریی تەواوی كردووە بۆ ئەنجامدانی كۆنگرە، بەڵام بە هۆی بڵاوبوونەوەی ڤایرۆسی كۆرۆناوە نەمانتوانی ئەمساڵ لە كاتی خۆیدا كۆنگرە ئەنجام بدەین و دواكەوت".
ئەندامەكەی مەكتەبی سیاسیی پارتی دەشڵێت: "لیژنەی ئامادەكار هەنگاوی زۆری بڕیوە بۆ گرتنەبەری رێكاری ئەنجامدانی كۆنگرە".
لەبارەی كاتی ئەنجامدانی كۆنگرەش، نەجاڕ ئاشكرای كرد، بڕیارە ساڵی دابێ پارتی دیموكراتی كوردستان كۆنگرە بەڕێوە ببات و بێگومان كۆنگرەكەش لە مانگەكانی سەرەتای ساڵی نوێدا دەبێت.
قائید میرۆ
