پەیاما پیرۆزباهییا سەرۆکێ حکومەتا هەرێما کوردستانێ ب هەلکەفتا دانانا بابێ شێخ نوی
ھەولێر-KDP. info- ب هه‌لكه‌فتا دانانا بەڕێز شێخ عەلی ئیلیاس وەک بابێ شێخێ ئێزدییان ، پیرۆزباهیێن گه‌رم ئاراسته‌ی میر حازم و بابێ شێخ عەلی و جڤاتا رۆحانی و هه‌موو خوشك و برایێن مه یێن ئێزدی دكه‌م.
هیڤی دکەم جەنابێ بابێ شێخ دئه‌ركێ خوه یێ نوی دا یێ سه‌ركه‌فتی بیت و بكاریت خزمه‌تا جڤاك و ئایینێ ئێزدییان بكەت، و لێره پشته‌ڤانییا خوه ژبۆ وی رادگه‌هینم.
هیڤی دکەم پڕکرنا ڤێ پله‌یا ئایینی و ئه‌ڤ رویدانە د ژیانا ئایینێ ئێزدییان دا ببیتە هێڤێنێ ئێكرێزی و ته‌بایێ دناڤا جڤاکا ئێزدی و ئێزیدخانێ دا و ببیتە دەلیڤەک ژ بۆ ده‌ربازبوونێ ژ ژیانا ئاواره‌یی و داوی ھاتنا تەڤایا نەخۆشیان و ڤەگەڕیانا ئاوارەیان بۆ جه و وارێن خوە و ئاڤەدانبوونا دەڤەرێن ئێزدییان.
حکومەتا هەرێما کوردستانێ یا رژدە لسەر پاراستن و ڕێزگرتنا تایبه‌تمه‌ندییا ئایینێ ئێزدییان و هه‌موو پێكهاتێن دی یێن كوردستانێ پێخەمەت بهێزکرنا گیانێ پێكڤەژیانێ.
مەسرور بارزانی
سەرۆکێ حکومەتا هەرێما کوردستانێ
