سەرۆکی حکوومەتی هەرێمی کوردستان سەرەخۆشی لە د. نووری عوسمان دەکات
هەولێر-KDP.info- سەرۆکی حکوومەتی هەرێمی کوردستان، بە بۆنەی کۆچی دوایی عوسمان مەحموود شنگالی، برای شەهید سامی عەبدولڕەحمان، لە پەیوەندییەکی تەلەفۆنیدا سەرەخۆشیی لە د. نووری عوسمانی کوڕی و کەسوکارەکەی کرد.
ئەمڕۆ چوارشەممە 2020/10/14 مەسروور بارزانی، سەرۆکی حکوومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە د.نووری عوسمان کرد، بۆ کۆچی دوایی باوکی، عوسمان مەحموود شنگالی کە دەکاتە برای شەهید سامی عەبدولڕەحمان.
سەرۆکی حکوومەت، هاوخەمیی خۆی لەگەڵ بنەماڵەکەیان دەربڕی و هیوای خواست، خوای مەزن گیانی بە بەهەشت شاد بکات و ئارامیش بە کەسوکار و خانەوادەکەیان ببەخشێت.
