فره‌نسا ب کوژمێ (15) ملیون یۆرۆیا دێ پشته‌ڤانیا پرۆژێن په‌ره‌پێدانێ ل دهۆكێ كه‌ت
دهۆك-KDP.info- ئه‌ڤرۆ سپێدێ د. على ته‌ته‌ر پارێزگه‌رێ دهۆكێ هه‌ڤدیتنه‌ك دگه‌ل ئولیڤى دیكیوتینى كونسلێ گشتى یێ وه‌لاتێ فره‌نسا ل كوردستانێ كر.
دهه‌ڤدتنێدا كونلسێ فره‌نسا دیاركر كو وه‌ڵاتێ وى وه‌كو ده‌ستپێشخه‌رى و هاریكارى بۆ پارێزگه‌ها دهۆكێ (15) ملیون یۆرۆ بۆ په‌رپێدانا پرۆژێن خزمه‌تكارى یێن جودا جودا ته‌رخانكرینه و(500) كه‌س ل سنورێ پارێزگه‌هێ و(60) هزار قوتابى ل سه‌كته‌رێن جودا جودا دێ مفاى ژڤێ هاریكاریێ وه‌رگرن.
هه‌روه‌سا گوت: ئه‌ڤ هاریكاریه ژلایێ حكومه‌تا فره‌نسا هاتیه دیاركرن دچارچوڤێ سه‌ره‌دانا وه‌زیرێ ده‌رڤه یێ فره‌نسا ده‌ما ل تیرمه‌ها بورى سه‌ره‌دانا هه‌رێما كوردستانێ كرى و ژلایێ سازیێن ئه‌لمانى دماوێ (3) ساڵاندا دێ هێته جێبه‌جێكرن.
پارێزگه‌رێ دهۆكێ سوپاسى و په‌سنا هه‌لویستێن حكومه‌ت و ملله‌تێ فره‌نسا كر بۆ ڤێ ده‌ستپێشخه‌ریێ كو چ جارا ناهێنه ژبیركرن و هیڤى خاستن كو پرۆژه سه‌ربگریت ولده‌مه‌كێ نێزیك بكه‌ڤیته دوارێ بجهئینانێ دا.
هه‌ژى گوتنێ یه ئه‌ڤ هاریكاریه (منحه) ب رێكا ئاژانسا په‌ره‌پێدانا فره‌نسى دێ هێته خه‌رج كرن و ب رێكا ئاژانسێن ئه‌لمانى دێ هێته جێبه‌جێكرن وچه‌ندین پرۆژه یێن خزمه‌تگوزارى دبیاڤێن جودا جودا ل سنورێ پارێزگه‌هێ دێ هێنه ئه‌نجامدان.
