''مەسروور بارزانی سەلماند نەرێتەکا سیاسییا ساخلەم و مودێرن ل کوردستانێ هەیە''
دهۆک-KDP.info- مامۆستایێن زانینگەهێ ددەنە دیارکرن، چۆنا شاندێ حکومەتێ بۆ پەرلەمانێ کوردستانێ دەستپێکەکا باشبوو و نەرێتەکە ساخلەم و مودێرنە د پرۆسەییا سیاسیی ل هەرێما کوردستانێ دا.
روینشتنا پەرلەمانی یا روژا دووشەمبی رێککەفتی 5_10ب ئامادەبوونا مەسروور بارزانی، سەرۆکێ ئەنجومەنێ وەزیران، و قوباد تاڵەبانی،جێگرێ سەروکێ ئەنجومەنێ وەزیران، و وەزیر و شاندێ یاوەر دگەلدا بۆ بەرسڤدانا پرسیارێن ئەندامێن پەرلەمانێ کوردستانێ و دیارکرن و رۆهنکرنا چەند پرسەکێن گرنگ و هەنوکەیی کو گڕێدایی بارودوخێ ئابووری و تەندروستی و پرسا چاکسازیێ و دۆسەیا گازێ و خزمەتگوزاریێ و هەروەسا پەیوەندیێن دگەل بەغدا، پێنگاڤەکا گەلەک گرنگ و دجهێ خودا بوویە، بۆ پەردەلادانێ ژ چەندین پرسیار و گومانێن ل دەڤ رایا گشتی هەین.
'' حکومەت و پەرلەمان هەماهەنگن ''
سەبارەت خورتکرن و هەماهەنگییا دناڤبەرا پەرلەمانی و حکومەتێ دا، د.خەلیل ئەترووشی، مامۆستایێ زانینگەها دهۆک دیارکر، رینشتنا پەرلەمانی دووپاتکر کو پەرلەمان مەرجەعێ سەرەکیێ بریارایە، و جارەکا دیتر گرنگیا ئەڤی دەزگەهێ شەرعی رۆن و ئاشکرابوو، هەروەسا ژلایەکێ دیڤە پەنا برن بۆ پەرلەمانی رێکەکا گەلەک مودێرنە بۆ چارەسەرکرنا ناکوکی و ئالۆزیان.
ئەوی، بۆ ماڵپەرێ فەرمیی یێ پارتی دیموکراتی کوردستان گۆت؛'' دیار بوو کو جهێ درست و تەندروست یێ چارەسەرکرنا کێشەیان پەرلەمانە، نەک مینبەرێن راگەهاندنێ و ئازراندنا جادەیێ.
''نەریتا سیاسییا ساخلەم''
بۆچۆنا د.خەلیلی ئەوە، ژلایەکێ دیڤە چۆنا سەروکێ ئەنجومەنێ وەزیران و شاندێ دگەل دا بۆ رینشتنا پەرلەمانێ کوردستانێ، و گوهـ گرتن ل پرسیار و رەخنە و پێشنیارێن ئەندامێن پەرلەمانی، نەریتەکا سیاسی یێ ساخلەم و تەندروستە.
گۆتژی؛''ئەڤ پرۆسەیە دێ بیتە ئەگەر کو باوەریا خەلکی ب دەسەلاتێ موکمتر لێبهێتن، و ئالۆزی و پەیوەندیێن دناڤبەرا پارتێن سیاسی دا بەرەڤ باشتربچن، نەخاسمە پشتی وان روهنکرن و داتایێن سەروکێ ئەنجومەنێ وەزیران دیارکرین د بوارێن جودا جودا.
''ئەڤ دانیشتنە دێ بیتە هێڤێنەکێ باش بۆ چاڤلێکرنێ، و هەروەسا پەیداکرنا ئارامیێ و متمانەیێ ل دەڤ خەلکێ کوردستانێ'' ناڤهاتی وەسا دا دیارکرن.
''دەستپێکەکا باش''
باوریا رێنجبەر شێخۆی مامۆستایێ زانکۆیێ ئەوە، ئەڤا دهی ل پەرلەمانێ کوردستانێ دروستبووی و چۆنا شاندێ حکومەتێ و بەرسڤدانا پەرلەمانتارا دەستپێکەکە باشە و پرۆسەیەکە سیاسییا نووییە ل رۆژهەلاتێ ناڤین، و ب شەفافیانە بەحسی پێنگاڤێن کابینەیا خۆ کرن.
شیخۆی بۆ ماڵپەرێ فەرمیی یێ پارتی دیموکراتی کوردستان دیارکر، چۆنا شاندێ حکومەتێ بۆ پەرلەمانی دیارکر، هەماهەنگی و تەفاهووم دناڤبەرا دەستهەڵاتا یاسادانانێ و جێبەجێکرنێ دا هەیە، چونکی ئەڤە ستووینا سیاسییا هەرێما کوردستانێنە، نابیت حکومەت و پەرلەمان هەر ئالییەک ل ئاقارەکی کاربکەت.
''سیستەماتیکرنا دەستهەڵاتا سیاسیی''
رێنجبەر شێخۆی ئاماژەدا، مەسروور بارزانی شیا دەستهەلاتا سیاسیی ب سیستەماتیک بکەت چونکی گەلەک جارا پەرلەمانتارا ئاگەهــ ژ پێنگاڤێن حکومەتێ نەبوو، بەلێ مەسروور بارزانی ئەو یەکە دیارکر کو دڤێت پەرلەمانی ئاگەهــ ژ پرسێن حکومەتێ هەبیت.
'' حکومەتێ هەموو مەلەفێن ئالۆز و هەستیار بەحسکرن و ب ڕاشکاوانە دیارکرن، ژوانا ژی کو ئابووریا هەرێما کوردستانێ و پرسا پەیوەندیێن هەرێمی و کۆرۆنایێ و پرسا شنگال و ناڤچەیێن دەرڤەیی ئیدارەیا هەرێم، ئەڤجا پێدڤییە پەرلەمان کارێ ل سەر خۆ بکەت.'' ناڤهاتی ل دوماهیێ وەسا گۆت.
کاروان بــاعەدری
