265 هزار پلێتێن ئاهێن خوارنێ ل دهۆکێ دێ هێنە بەلاڤکرن

دهۆک-KDP.info- رێڤەبەرێ رێکخستنا پلێتێن ئاهێن خوارنێ ل پارێزگەها دهۆکێ ئاشکرا کر کو نوکە دەست ب بەلاڤکرنا 265 هزار پلێتێن ئاهێن خوارنێ ل پارێزگەها دهۆکێ هاتیەکرن و گۆت: "هەر سەرۆک خێزانەکێ د دەمێ هەیڤەکێ دا سەرەدانا بریکارێ خۆ یێ ئاهێن خوارنێ نەکەت بۆ وەرگرتنا پلێتا نوو، مافێ وەرگرتنێ نامینیت".

حسێن سەبری، رێڤەبەرێ رێکخستنا پلێتێن ئاهێن خوارنێ ل پارێزگەها دهۆکێ بۆ مالپەرێ فەرمیێ پارتی دیموکراتی کوردستان دیار کر کو ل حەفتیا بۆری وان دەست ب بەلاڤکرنا 256 هزار پلێتێن نوو یێن ئاهێن خوارنێ کریە، ژ بەر کو نوکە 256 هزار سەرۆک خێزان ل پارێزگەها دهۆکێ هەنە و گۆت: "هەتا نوکە ئەڤ پلێتە ل قەزایێن (زاخۆ،ئاکرێ) هاتینە بەلاڤکرن و ل رۆژێن داهاتی دێ ل قەزایێن دی یێن پارێزگەها دهۆکێ ژی هێنە بەلاڤکرن".

ناڤهاتی ئاماژە دا وێ چەندێ کو ل دووڤ دستوورێ عیراقا فیدڕال، ئەڤ پلێتە ب زمانێن کوردی و عەرەبی هاتینە چاپکرن و ئەو داخوازێ ژ هەمی سەرۆک خێزانان دکەن لدووڤ وی دەمێ بۆ وان هاتیە دیارکرن کو هەتا رۆژا 27/10/2020 سەرەدانا بریکارێن خوە یێن ئاهێن خوارنێ بکەن بۆ وەرگرتنا پلێتێن خوە یێن نوو، چونکو هەر کەسەکێ دڤی دەمێ دەستنیشانکری دا سەرەدانا بریکارێ خوە یێ ئاهێن خوارنێ نەکەت مافێ وەرگرتنا پلێتێ نامینیت و پلێتا وی دێ بۆ بەغدا هێتە ڤەگەڕاندن.

 

رێوار محەمەد رەشید