مەکتەبی سیاسی سەرەخۆشی لە خانەوادەی تێکۆشەری گەلەکەمان مامۆستا محەمەد مەلا قادر دەکات
هەولێر-KDP.info- مەکتەبی سیاسی پارتی دیموكراتی كوردستان، پرسەنامەیەك ئاڕاستەی خانەوادەی تێکۆشەری گەلەکەمان مامۆستا محەمەد مەلا قادر دەكات، ئەمەی خوارەوە دەقەكەیەتی:
بەڕێزان خانەوادەی تێکۆشەری گەلەکەمان مامۆستا محەمەد مەلا قادر
زۆر خەمباربووین بە بیستنی هەواڵی كۆچی ناوادەی کاکە (ئاوارە مەلا محەمەد) کوڕی تێکۆشەر و مامۆستا و ھەڤاڵی ھەمیشە لەیادمان، خوالێخۆشبوو (محەمەد مەلا قادر).
بەو بۆنە خەمناكەوە پرسە و سەرەخۆشیمان ئاراستەی بنەماڵە کوردپەروەرەکەتان و كەسوكار و ھەڤاڵ و ئاشنایانی خوالێخۆشبوو دەكەین و ھاوبەشی خەم و پەژارەتانین.
لەخوای گەورە داواکارین سەبوری و دڵنەوایی بە ھەموولایەک ببەخشێت و گیانی کۆچکردویش بە بەھەشتی بەرین شادبکات..
انا للە وانا الیە راجعون
مەکتەبی سیاسی پارتی دیموكراتی كوردستان
