"هێزێن نایاسایی مەترسینە ل سەر ژیانا خەلکێ شنگالێ"
شنگال- KDP.info- پشتی ٢٠١٤ــێ سنووری عیراق و سووریایێ جهێ کۆمکرن و دەربازبوون داعشان و هەم ل هەڤهاتن و بازرگانییا نەیاساییدا.
ئەگەر ڤەگەڕینە دیرۆکێ ژی پشتی دەستپێکرنا شۆرەشا سووریا ل ٢٠١١ــێ، ئەڤی سنوورێ عیراقی- سووری هیچ تەناهی و ئارامییەک بخۆڤە نەدیتیە.
سنوورێ عیراقی- سووری ٦٢٠ کم بخۆڤە دگریت، و ژ دوورترین خاڵا باکووری رۆژئاڤایی باژارێ دهۆکێ کو خاڵا ڤێشخابوورێ دەستپێدکەت هەتا دگەهیتە سێگۆشا عیراقی- سووری- ئوردنی ل باژارێ ئەنبارێ ژ باشوورڤە دووترین خاڵا هەڤسنوورییە.
سەرەرایی کو چەندین دەرگەهێن ل سەر ڤی سنوورێ هەینە، ئەگەر ل هەڤنەهاتنێن خاڵێن دی چەند بن، بەلێ ژ ئالیێ شنگالێ ڤە دووجاران ئالۆزی و ئاریشە پترن ژبەرکوو بوویە جهێ دەهان گرۆپ و میلیشیایان.
ل گەل بۆرینا دەمی; فۆکس زێدەتر لێ دهێن، بەریا ساڵا ٢٠١٤ ئەگەر هێزەکا زیرەڤانیا سنووری نها بوویە جهێ فرەهێزان، دڤی بیاڤی ژی دا فەرماندارێ فەرماندەیا پێشمەرگەیێ شنگالێ دبێژیت:" سنوورێ ئیراقێ- سووریا جهێ هێز و ئالیێن سیاسیی نەڕەواییە، هەر هێزەک کاری بخۆ دکەت و شنگالی ژی قوربانیێن بازرگانییا وانن.
قاسم شەشۆ، بۆ ماڵپەرێ فەرمیی یێ پارتی دیموکراتی کوردستان ددەتە دیارکرن، ئەڤ هەڤسنووریا ژبلی بوویە سەرئێشە بۆ شنگالییان، بەلکوو بوویە داهاتەک کو گەلەک گرۆپ و میلیشیا داهات و چەکێن خۆ بهێز بکەن، و جۆرەها جۆرێن بازرگانیێ ل دێ دئێتە کرن.
لڤ و تەڤگەرێن هێزێن مەوالییێن وەڵاتێن ئیقلیمی و نێڤدەولەتی ل سەر ڤی سنووری هەیە، ژێدەرەکی ل شنگالێ ژی بۆ ماڵپەڕێ فەرمیی یێ پارتی دیارکر، عەرەبێن سونەیێن دەوروبەرێن شنگالێ ب هەڤکاریی چەند وەڵاتان دخوازن جارەکا دی پێگەهێ خۆیێ سیاسی ل شنگالی و تایبەت خالێن سنووری بهێز بکەن.
وی ژێدەری بۆ ماڵپەرێ فەرمیی یێ پارتی دیموکراتی کوردستان گۆت:" پەکەکە و حەشدا شەعبی بتنێ خالا ناکۆکا وان کنترۆلکرنا خاڵێن سنووریییە، ئەو هێزێن نها ل شنگالێ فۆکسا وان ل سەر بازرگانیێ و ئابوورا سنووریییە، ئەوان ئاگەهــ ژ ڕەوشا شنگال و شنگالییان نینە کا د چ رەوش و نەخۆشییان دانە.
کـــاروان باعەدری
