ڕاگەیاندراوێک لە گوتەبێژی حکومەتی هەرێمی کوردستان
هەولێر-KDP.info- د.جوتیار عادل گوتەبێژی فەرمیی حکوومەتی هەرێمی کوردستان راگەیەندراوێكی لەبارەی بۆردومانەكانی توركیا بۆ سەر ناوچە سنوورییەكانی هەرێمی كوردستان بڵاوكردەوە. ئەمەی خوارەوە دەقی راگەیاندراوەكەیە:
بەدڵگرانى و نیگەرانیەکى زۆرەوە چاودێرى رووداوەکانى ئەمڕۆو چەند رۆژى رابردووى ناوچە سنووریەکان دەکەین، کە بووه هۆی گه یاندنى زیانى گیانی و ماددى بەهاوڵاتییانی سڤیل و گوندنشینانى ئەو ناوچانە.
حكومه تى هه ریمى كوردستان سەرکۆنەی شەهیدکردن و زیان گەیاندن بەهاووڵاتییان دەکات لەلایەن هەر لایەنێک و بەهەر هۆکارێک بێت.
داوا لە کۆماری تورکیا دەکەین ڕێز له سه روه رى خاك و نیشتیمانمان بگرێت و پەکەکەش پێویستە ئەو ناوچانە چۆڵ بکات تا چیتر نەبنە هۆکار بۆ دروستکردنى پشێوى لە ناوچە سنووریەکانى هەرێمى کوردستان.
حکومەتى هەرێمى کوردستان خوازیارى پەیوەندیى دۆستانەیە لەگەڵ وڵاتانى دراوسێ و نایەوێت لەناو خاکى هەرێمى کوردستان هێرش بکرێتە سەر هیچ وڵاتێک.
لێرەوە پرسەو سەرەخۆشی لە کەس وکاری قوربانیان دەکەین و هیواى چاکبونەوەش بۆ برینداران دەخوازین.
د.جوتیار عادل
گوتەبێژی حکومەتی هەرێمی کوردستان
١٩ حوزەیرانی ٢٠٢٠
